Uels teryeri - Həmçinin "Welshie" kimi tanınan, 1700-cü illərdə Uelsdə yaranmış və ilkin olaraq tülkü, gəmiricilər və porsuq ovu üçün yetişdirilən it cinsi. Görünüş Başında, ayaqlarında və qarın hissəsində qəhvəyi rəngdə, belində isə qara və ya bəzən boz rəngdə olur. Dişilər bəzən tamamilə tünd qəhvəyi rəngdə ola bilər. Bu cins, orta ölçülü, möhkəm və yığcam quruluşlu bir itdir, boyu 39 sm, çəkisi 9,1-10 kq arasında dəyişir. Quyruğu 2006-cı ilə qədər adətən kəsilirdi, lakin bu təcrübə Birləşmiş Krallıqda qadağan edildikdən sonra dayandırıldı. Bədən quruluşu düzbucaqlıdır, uzun və "kərpicə bənzər" sifəti var. Bu forma, bığ və saqqal ilə formalaşır. Safqanlı itlərdə sifət daha oval və incə sümüklü ola bilər. Tükləri iki qatdan ibarətdir: alt tüklər izolyasiya edir, üst tüklər isə kir, yağış və küləkdən qoruyur. Uels teryerləri əsasən qara rəngdə doğulur və ilk il ərzində standart qara-qəhvəyi rəngə çevrilir. Quyruğu, kəsildikdən sonra yalnız 2.54 sm qədər uzun olur və ümumi görünüşə çox böyük təsir göstərmir. Tüklər tökülməsə də, qulluq edilmədikdə köhnə tüklər oyun və hərəkət zamanı təmizlənir. Qulluq edilməyən tüklər rəngini və quruluşunu itirə bilər. Uels teryeri, yığcam bir "Airedale" teryerinə bənzəyir. Temperament Tipik bir teryer temperamentinə malikdir. Düzgün əllərdə o, xoşbəxt, canlı və nadir hallarda utancaq və ya qorxaq bir itdir, lakin bəzən özünə xas davranışlar göstərə bilər. Uels teryeri ümumiyyətlə insanlar və digər itlərlə dostcana davranır, lakin mübarizədənd də geri çəkilməz. Bu cins itlər sədaqətli dostlar ola bilər və həm şəhər, həm də kənd şəraitində yaşaya bilirlər. Uels teryerləri müstəqil ov üçün yetişdirilmişdir və bu, onların çox iddialı və möhkəm xarakterli olmasını tələb edir. Nəticə etibarilə, Uels teryerində itaət yaratmaq uzunmüddətli bir prosesdir və təlim davamlı olaraq təkrarlanmalıdır. Stenli Korenin "İtlərin Zəkası" kitabında 101-ci yerdə qərarlaşır, yəni orta işçi/itaət zəkasına malikdir. Bu o demək deyil ki, Uels teryerləri əmrləri öyrənmir və ya başa düşmür, sadəcə öz qərarlarını verməyə meyllidirlər. Buna görə də davamlı təkrarlama tələb olunur. Müstəqil fəaliyyət göstərərkən onlar yaradıcı və sürətli qərarlar qəbul edirlər. Həmçinin həddindən artıq hürmə meyli ola bilər. Digər teryer cinsləri kimi, Uels teryeri də qazmağı xoşlayır. Enerji ilə doludur və müntəzəm fəaliyyət tələb edir. Gündüz ərzində həyətdə qaçmaq kifayət deyil. Onlar həyəcanlanır və əgər cansıxılması hiss edirlərsə, təqib edə və zərər verə bilərlər. Onlar oyuncaq qovmağı və üzməyi çox sevirlər (məsələn, ailəsi ilə gölməçə fəaliyyətləri). Uşaqlarla yaxşı yola gedir. Onlar oyuncaq sevirlər və uşaqların ardınca gedirlər, lakin bəzən paltarın ətəyindən dartaraq kiçik uşaqları yıxa bilərlər. Əgər erkən yaşda kiçik uşaqlarla birlikdə olarlarsa, daha nəzakətli oynamağı öyrənə bilərlər. Bütün cinslərdə olduğu kimi, Uels Teryerlərini mümkün qədər erkən yaşda müxtəlif itlər, insanlar və təcrübələrlə sosiallaşdırmaq vacibdir. Sağlamlıq Bədəni normal və sağlamdır, buna görə də fiziki quruluşu davamlı və uzunömürlüdür. Bəzi tədqiqatlar, əsas "lens luksasiyası"na (gözdəki lensin yerindən çıxması) genetik meyillik olduğunu göstərmişdir, bu da ikinci dərəcəli qlaukoma ilə nəticələnə bilər. "Onixodistrofiya" (dırnaqların zəif və kövrək olmasına səbəb olan dırnaq böyümə pozğunluğu) bu cinsdə nisbətən tez-tez rast gəlinir.
https://en.wikipedia.org/wiki/Welsh_Terrier
https://dogtime.com/dog-breeds/welsh-terrier
https://www.akc.org/dog-breeds/welsh-terrier/
https://www.dogster.com/dog-breeds/welsh-terrier
https://www.petmd.com/dog/breeds/welsh-terrier
https://www.purina.co.uk/find-a-pet/dog-breeds/welsh-terrier
https://www.webmd.com/pets/dogs/what-to-know-about-welsh-terriers
https://wagwalking.com/breed/welsh-terrier
https://www.royalcanin.com/mt/dogs/breeds/welsh-terrier
https://www.wisdompanel.com/en-us/dog-breeds/welsh-terrier
https://www.elityavru.com/welsh-terrier
https://www.pdsa.org.uk/pet-help-and-advice/looking-after-your-pet/puppies-dogs/medium-dogs/welsh-terrier
Tarix : 12 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
