Söhbətləşən cırtdançəkic (Ramphocaenus sticturus) - "Polioptilidae" fəsiləsinə aid olan cırtdançəkic növü. Taksonomiya və sistematika Söhbətləşən cırtdançəkic əvvəllər uzun dimdikli cırtdançəkicin (indiki adı ilə trill cırtdançəkic, Ramphocaenus melanurus) yarımnövü kimi qəbul edilirdi. 2018-ci ildə aparılmış molekulyar tədqiqatın nəticələrinə əsasən, artıq ayrı bir növ kimi tanınır. İki yarımnövü qeydə alınmışdır: -"R. s. sticturus" (Hellmayr) (1902) -"R. s. obscurus" (Zimmer, J.T). (1931) Təsvir Söhbətləşən cırtdançəkicin görünüşü haqqında məlumatlar əsasən trill cırtdançəkicin yarımnövü kimi təsvir edilmişdir. Trill cırtdançəkic (sensu lato) 12-13 sm uzunluğunda və 8-11 qram ağırlığındadır. Nominativ yarımnöv olan R. s. sticturusun üst hissələri qəhvəyi rəngdədir və quyruğu qaradır. Göz üstündə açıq sarı zolaq və solğun darçını rəngli yanaqları var, boynun yan tərəfləri sarımtıl rəngdədir. Alt tərəfləri sarımtıl olub, yan tərəfləri darçını rəngindədir. "R. s. obscurus" yarımnövü daha tünd rəngli olub, başın, döşün və yan tərəflərinin rəngi oxra çalır. Yayılması və yaşayış yeri "R. s. obscurus" yarımnövü Perunun şimalındakı Loreto departamentindən Boliviyanın La Paz departamentinə qədər yayılmışdır. Nominativ yarımnöv olan "R. s. sticturus" isə yalnız Braziliyanın qərb-mərkəzindəki Mato Qrosso ştatında tapılır. Söhbətləşən cırtdançəkic rütubətli "terra firme" meşələrinin, tökülən ilkin meşələrin və ikinci dərəcəli meşələrin alt bitkiliklərində yaşayır. Qidalanma Söhbətləşən cırtdançəkicin qidalanması haqqında məlumatlar, trill cırtdançəkic kompleksindən ayrıca təsvir edilməmişdir. Bu növ (sensu lato) kiçik buğumayaqlılar, məsələn, həşəratlar və hörümçəklərlə qidalanır. Yerdən orta səviyyəyə qədər fəal şəkildə qidalanır, tək, cüt və ya qarışıq növlərdən ibarət qidalanma dəstələrinin bir hissəsi kimi fəaliyyət göstərir. Çoxalma Söhbətləşən cırtdançəkicin çoxalma fenologiyası ayrıca təsvir edilməmişdir. Status "Beynəlxalq Təbiəti Qoruma Birliyi" (IUCN) Söhbətləşən cırtdançəkici, trill cırtdançəkicdən ayrıca qiymətləndirməyib.
https://ebird.org/species/lobgna4
https://en.wikipedia.org/wiki/Chattering_gnatwren
https://birdsoftheworld.org/bow/species/lobgna4/cur/introduction
https://xeno-canto.org/species/Ramphocaenus-sticturus?view=1
https://www.oiseaux.net/birds/chattering.gnatwren.html
https://avibase.bsc-eoc.org/species.jsp?avibaseid=7113E3938AA637C0
https://app.birda.org/species-guide/28914/Chattering_Gnatwren
https://avibase.bsc-eoc.org/species.jsp?avibaseid=B3CC4287
Tarix : 21 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
