Şərq qısa tüklü pişiyi - Siam pişiyindən inkişaf etdirilmiş və onunla yaxından əlaqəli olan ev pişiyi növü. Tarix Bu növün genetik kökləri Tailandda olsa da, rəsmi olaraq ABŞ-da Nyu-York ərazisində bir qrup pişik yetişdiricisi tərəfindən inkişaf etdirilmişdir. Viki və Piter Markşteyn (PetMark pişikyetişdirmə mərkəzi) 1971–72-ci illərdə Anqela Seyersin "Solitaire Pişikyetişdirmə mərkəzi" və Patrisiya Vaytın "Pişikyetişdirmə mərkəzində" Siam tipli bədən quruluşuna malik naxışlı və tək rəngli pişiklərlə maraqlanmışdılar. Bu pişiklər 1950-ci illərdə Baronessa fon Ullman tərəfindən yetişdirilmiş Siam tipli bədən quruluşuna malik tək rəngli pişiklər əsasında yaradılmışdı. 1973-cü ildə " Beynəlxalq Şərq Qısa Tüklü Pişikləri " təşkilatı yaradıldı və Piter Markşteyn 1976-cı ildə "Cat Fanciers Association"-ın illik yığıncağında bu növü təqdim etdi. Eyni zamanda Havana Qəhvəyi pişiyi Co Bitiker tərəfindən təqdim edilmişdi. 1977-ci ildə Şərq qısa tüklü pişiyi "Cat Fanciers' Association" tərəfindən çempionat yarışları üçün qəbul edildi. 1997-ci ildən etibarən bu növ "GCCF" və digər pişik yetişdiriciliyi təşkilatları tərəfindən də tanındı. Bu növ "CFA" üzvləri arasında ən populyarlardan biridir. Taksonomiya Şərq qısa tüklü pişiyi Siam pişikləri ailəsinin üzvüdür və müxtəlif tək rənglərdə, həmçinin tüstü, kölgəli, tısbağa qabığı, naxışlı və iki rəngli (yuxarıda qeyd olunan rənglərə ağ əlavə olunması) kimi naxışlarda mövcuddur. Bütün variantlar bu növü tanıyan bütün təşkilatlar tərəfindən qəbul edilmir. Şərq qısa tüklü pişikləri, Siam tipli pişiklər kimi, badamşəkilli gözlərə və böyük qulaqları olan pazşəkilli başa malikdirlər. Onların bədənləri adətən "incə" lakin əzələlidir. Uzun tüklü versiya, Şərq uzun tüklü pişiyi (1995-ci ildən CFA tərəfindən tanınır), sadəcə resessiv uzun tük genlərini daşıyır. Xüsusiyyətlər Şərq qısa tüklü pişiyi orta ölçülü pişikdir. Erkəklərin çəkisi adətən 3,6–5,4 kq, dişilərin çəkisi isə 3,6 kq az olur. Şokolad rəngli pişik balaları uzun, silindrik bədən quruluşunu nümayiş etdirirlər. "Cat Fanciers' Association" (CFA) tərəfindən Şərq qısa tüklü pişiklərin naxışlı balaları "digər növlər" (AOV) kimi qəbul edilir, lakin şəcərədən asılı olaraq bəziləri "Colorpoint" kimi yarışa bilər. "The International Cat Association" (TICA) və bir çox digər pişik həvəskarları və yetişdiriciləri assosiasiyalarında bu pişiklər Siam kimi tanınır və yarışır. Növlər - Tək rəngli: Tük rəngi bütün pişiklər üzrə vahiddir. Hər tük kökdən uca qədər eyni rəngdə olmalı və zolaqlanma və ya uclu rənglənmə olmamalıdır. "CFA" tərəfindən qəbul edilən rənglər qırmızı, krem, qara, mavi, bənövşəyi, darçını, saman və ağdır. "GCCF" rəngləri isə (müvafiq olaraq) qırmızı, krem, qəhvəyi, mavi, bənövşəyi, şokolad və ərik rəngidir (ağ rəng GCCF-də əsas rəng kimi icazə verilmir, WCF isə ağ rəngə ümumiyyətlə icazə vermir). - Kölgəli naxış: Ağ alt tüklərə malikdir, tük ucları rəngli olur. "CFA" və "GCCF" bunu tanıyır. Digər növ qeydiyyat təşkilatları bu naxışı "şinşilla naxışı" adlandırır. - Tüstü naxış: Tük kökündə dar ağ zolaq olur, bu yalnız tük ayrıldıqda görünə bilər. Bu ağ alt tük yuxarıda qeyd olunan tək rənglərə (əlbəttə, ağ istisna olmaqla) iki fərqli genin qarşılıqlı təsiri ilə əlavə edilir. "CFA" və "GCCF" bunu tanıyır. - Tısbağa qabığı naxışı: Qırmızı və ya krem rəngli ləkələrə malikdir, bu ləkələr yaxşı müəyyən edilmiş rəng ləkələri və ya mərmər naxış ola bilər. Bu rəng naxışı "CFA" tərəfindən qeyri-səlis pişiklərdə "tısbağa qabığı" (qısaca "torti") adlandırılır, bu alternativ termin "GCCF" və digər növ qeydiyyat təşkilatları tərəfindən də istifadə olunur. - Naxışlı tük naxışı: "GCCF" və "CFA" tərəfindən tanınır. Hər tükün ortasında rəngli bir zolaq olmalıdır. "GCCF" dörd növ naxışı tanıyır: klassik, makrel, ləkəli və xallı. - İki rəngli naxış: "GCCF" və "CFA" tərəfindən tanınır. İki rəngli naxış ağ ləkə geninin digər qəbul edilən rənglərə,naxışlara əlavə edilməsi ilə yaranır. Pişiyin qarnında, ayaqlarında ,pəncələrində və üzündə tərs "V" şəklində ağ rəng olacaq. WCF bu variantı icazə vermir, çünki bu növdə ağ rəngə qarşıdır. Mədəniyyətdə - Elmi illüstrator Cey Parksın 2017-ci ildə nəşr etdiyi "Star Trek Cats" kitabında "Star Trekin Spock" personajı Şərq qısa tüklü pişiyi kimi təsvir edilmişdir. - Joann Sfarın "Rabbin Pişiyi" komiksində isə baş qəhrəman pişik Şərq qısa tüklü pişiyinin fiziki xüsusiyyətlərinə malikdir.
https://en.wikipedia.org/wiki/Oriental_Shorthair
https://cats.com/cat-breeds/oriental-shorthair
https://www.zooplus.co.uk/magazine/cat/cat-breeds/oriental-shorthair
https://www.petmd.com/cat/breeds/oriental-shorthair
https://www.hillspet.com/cat-care/cat-breeds/oriental
https://fifeweb.org/cats/breeds/oriental-shorthair/
https://www.catsbest.eu/cat-breed/oriental-shorthair/
https://www.catster.com/cat-breeds/oriental-shorthair-colors-patterns/
https://www.thesprucepets.com/oriental-shorthair-cat-breed-profile-4774945
https://www.purina.co.uk/find-a-pet/cat-breeds/oriental-short-hair
https://www.webmd.com/pets/cats/what-to-know-oriental-cat
https://www.wisdompanel.com/en-us/cat-breeds/siamese-and-oriental-shorthair
https://www.lifetimepetcover.co.uk/pet-advice/cat-breeds/oriental-shorthair/
https://www.holistapet.com/blogs/cat-breeds/oriental-shorthair?srsltid=AfmBOooED1wUKCDFCXbj0x2ITAAZrjN3Rdl4DVUwCdKMEqC4BF4WAI1b
https://www.dimensions.com/element/oriental-shorthair-cat
https://kids.britannica.com/students/article/Oriental-shorthair/312830
https://blog.petibom.com/kedi-cinsleri/oriental-shorthair/
https://cats.fandom.com/wiki/Oriental_Shorthair
Tarix : 24 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
