Qvianan qırmızı kotinqası ("Phoenicircus carnifex") - "Cotingidae" fəsiləsinə aid bir quş növü. Ümumi məlumat Bu növ Cənubi Amerikanın şimal-şərqində, Qvianada (Qayana, Surinam və Fransa Qvianası) və Venesuelanın şərqindəki kiçik sərhəd bölgəsində tapılır. Braziliyada növ Amazon çayının mənsəbində Qvianaya bitişik aşağı Amazon hövzəsində və yalnız Para və Amapa ştatlarında çay boyunca yayılmışdır. Marajo adasında və cənubda şimal-şərqi Para ştatına qədər tapılır. Təbii yaşayış mühiti subtropik və ya tropik rütubətli düzənlik meşələridir. Qvianan qırmızı kotinqasının yayılma sahəsi, "Phoenicircus" cinsindəki digər yeganə növ olan, qaraboyun qırmızı kotinqası ilə kiçik bir kəsişməyə malikdir. Taksonomiya 1743-cü ildə ingilis təbiətşünası Corc Edvards "A Natural History of Uncommon Birds" əsərinin birinci cildində Qvianan qırmızı kotinqasının təsvirini və illüstrasiyasını daxil etdi. O, ingilis dilində "Surinamdan olan qırmızı quş" adını istifadə etdi. Edvards özünün əl ilə rənglənmiş oyma işini Riçmond hersoqunun kolleksiyasındakı nümunə əsasında hazırladı. 1758-ci ildə isveçli təbiətşünası Karl Linney "Systema Naturae" əsərinin onuncu nəşrini yeniləyərkən Qvianan qırmızı kotingasını "Lanius" cinsinə aid etdi. Linney qısa bir təsvir daxil etdi, "Lanius carnifex" binominal adını təqdim etdi və Edvardsın işinə istinad etdi. Qvianan qırmızı kotingası indi 1832-ci ildə ingilis təbiətşünası William Swainson tərəfindən təqdim edilmiş "Phoenicircus" cinsinə daxil edilir. Cins adı qədim yunan dilində "tünd qırmızı" mənasını verən "phoinikeos" və "quyruq" mənasını verən "kerkos" sözlərindən yaranıb. Növün epiteti "carnifex" latın dilində "cəllad" və ya "qatil" deməkdir. Növ monotipikdir: heç bir yarımnöv tanınmır.

İstinadlar

https://ebird.org/species/gurcot1

https://birdsoftheworld.org/bow/species/gurcot1/cur/introduction

https://datazone.birdlife.org/species/factsheet/guianan-red-cotinga-phoenicircus-carnifex

https://www.oiseaux.net/birds/guianan.red.cotinga.html

https://animalia.bio/guianan-red-cotinga#google_vignette

https://www.inaturalist.org/taxa/8892-Phoenicircus-carnifex

https://xeno-canto.org/species/Phoenicircus-carnifex?view=1

Tarix : 2 mart 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.