Qırıq quyruq sindromu - Quyruq əzələlərində yaranan zədələnmə və ya iflic nəticəsində ortaya çıxan vəziyyət. Mahiyyəti Bu sindrom quyruq əzələlərinin ağrı, hərəkətsizlik və zəifləməsi ilə xarakterizə olunur. Sindromun adı, quyruğun vəziyyətində yaranan qeyri-normal dəyişiklikləri, xüsusən quyruğun sönüklüyünü və hərəkətsizlik halını təsvir edir. Qırıq Quyruq Sindromu həmçinin "üzgüçü quyruğu", "soyuq su quyruğu", "ölü quyruq", "xoşbəxt quyruq" kimi müxtəlif adlarla da tanınır. Tarix 20-ci əsrdə daha çox işçi və idman itlərində rastlanmağa başlanmışdır. Bu vəziyyət ilk dəfə idman fəaliyyətləri ilə əlaqəli olaraq müəyyən olunmuş və daha sonra digər fəaliyyətlərdə də görünə biləcəyi anlaşılmışdır. Sindromun adı müxtəlif hallarda, xüsusən itlərin su ilə əlaqəli fəaliyyətlərdən sonra meydana çıxması səbəbindən "soyuq su quyruğu" kimi də tanınmağa başlamışdır. 2000-ci illərdə bu vəziyyət daha geniş şəkildə araşdırılmağa başlandı və bu dövrdə bu sindromun səbəbləri və müalicə üsulları haqqında daha çox məlumat əldə olundu. Lakin, hələ də sindromun dəqiq mexanizmi və səbəbləri tam şəkildə aydınlaşdırılmamışdır. Ssimptomlar Quyruğun əsas hissəsində ağrı və hərəkət etməməyə səbəb olan bir zədədir. Sindrom aşağıdakı əlamətlərlə müşahidə olunur: -Quyruq çox boş və sönük olur. -Quyruq təxminən 10 sm-lik üfüqi şəkildə tutulur və sonra şaquli olaraq düşür. -İtlər bəzən nəfəs almaqda çətinlik çəkə və titrəyə bilərlər. -Quyruğunu çox tərpədən itlərdə vəziyyət daha aydın nəzərə çarpır. Səbəb Qırıq quyruq sindromunun dəqiq səbəbi hələ tam aydınlaşdırılmayıb. Lakin, bu vəziyyət adətən çox soyuq və ya nadir hallarda çox isti suda üzməkdən sonra baş verir. Sindrom, onurğa beyninin keçdiyi yerin daralması və intervertebral disk sahələrinin degenerativ dəyişiklikləri ilə əlaqədar ola bilər. Fiziki fəaliyyət, zədə və ya digər stresli vəziyyətlər nəticəsində bu dəyişikliklər ani şəkildə yaranaraq, quyruğun hərəkətsizləşməsinə səbəb ola bilər. Bəzi hallarda, sidik və ya nəcis qaçırma, pelvik əzələlərdə duruş pozğunluqları və ya aşağı belin ağrılı olması kimi əlavə simptomlar da müşahidə edilə bilər. Müalicə Adətən istirahət və vaxt keçdikcə öz-özünə sağalır. Müalicə üsulları aşağıdakılardır: -İstirahət: İtin fiziki fəaliyyətinin məhdudlaşdırılması və sakit bir mühitdə saxlanılması vacibdir. Bu, quyruğun sağalmasına kömək edir. -Ağrı kəsici dərmanlar: Qeyri-steroid antiinflamatuar dərmanlar ilə ağrı kəsilə bilər. -Fiziki terapiya: Bəzi hallarda, itlərə fiziki terapiya tətbiq oluna bilər ki, bu da əzələlərin bərpasına kömək edir. Profilaktika və əlavə məlumat Təkrarlanmanın qarşısını almaq üçün aşağıdakı tədbirlər tövsiyə edilir: -Su ilə əlaqəli fəaliyyətlərdən sonra düzgün istirahət: İtlərin çox soyuq və ya çox isti suya məruz qalmasının qarşısını almaq vacibdir. -Fiziki fəaliyyətin tənzimlənməsi: İtlərin çox yorulmalarının və ya fiziki olaraq çox yüklənmələrinin qarşısını almaq. -İsitmə və soyuma üsullarının tətbiqi: Fiziki fəaliyyət öncəsi və sonrasında düzgün isinmə və soyuma üsulları tətbiq edilməlidir.
https://en.wikipedia.org/wiki/Limber_tail_syndrome
https://vcahospitals.com/know-your-pet/acute-caudal-myopathy-limber-tail
https://www.aaha.org/resources/limber-tail-in-dogs/
https://wagwalking.com/condition/limber-tail-syndrome
https://animalemergencyhospital.net/what-is-limber-tail-syndrome-in-dogs/
https://toegrips.com/limber-tail-syndrome/
https://www.ahna.net/site/blog-asheville-vet/2020/07/10/what-is-limber-tail-in-dogs
https://spotpet.com/blog/dog-tips/limber-tail-syndrome
Tarix : 16 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
