Qaraqulaq mədənçi quşu (Manorina melanotis) — Avstraliyanın cənub-şərqindəki mallee meşəliklərinə endemik olan və nəsli kəsilməkdə olan bir quş növü. Taksonomiya Qaraqulaq mədənçi quşu 1911-ci ildə Francis Erasmus Wilson tərəfindən müəyyən edilmişdir. O, daha geniş yayılmış sarıboğaz mədənçi quşu "M. flavigula" ilə yaxından qohumdur və qaraqulaq mədənçi quşunun taksonomik statusu müəyyən mübahisələrə səbəb olmuşdur. Bəzi tədqiqatçılar onu "M. flavigula"-nın yarımnövü hesab edirlər. Davranış Qaraqulaq mədənçi quşları kooperativ şəkildə çoxalırlar, çoxalma mövsümündə koloniyalarda yaşayırlar və çoxalma olmayan dövrlərdə kolluqlara yayılırlar. Bu dövrlərdə onların hərəkətləri haqqında az məlumat var. 2022-ci ildə növün sarıboğaz mədənçi quşu ilə cütləşdiyi bildirilmişdir. Yayılma və yaşayış yeri "BirdLife International" tərəfindən qaraqulaq mədənçi quşunun qorunması üçün əhəmiyyətli hesab edilən "Əhəmiyyətli Quş və Biomüxtəliflik Əraziləri" (IBA), şimal-qərbi Viktoria və cənub-şərqi Avstraliyada nisbətən toxunulmamış mallee meşəliklərini əhatə edir. Bunlar Murray-Sunset, Hattah və Annuello, Riverland Mallee və Wyperfeld, Big Desert və Ngarkat ərazilərini əhatə edir. Qorunma statusu Qaraqulaq mədənçi quşlarının həyatı, kənd təsərrüfatı üçün yaşayış yerlərinin təmizlənməsi və su əldəetmək üçün vəhşi keçilər, Avropa dovşanları, kenqurular və digər böyük ot yeyən heyvanlardan rəqabətə məruz qalması ilə təhdid olunmağa başladı. Növ, 2016-cı ildə ornitoloq John McLaughlin tərəfindən " Avstraliyanın ən nadir və nəsli kəsilməkdə olan quşu" kimi qiymətləndirilmişdir. 2018-ci ildə aparılan bir araşdırma isə onu nəsli kəsilmə riski ən yüksək olan 10-cu quş olaraq sıralamışdır. Növ, "IUCN" "Qırmızı Siyahısı"nda (2021.3) və "Avstraliya Ətraf Mühit Mühafizəsi və Biomüxtəliflik Qanunu" (1999) nəsli kəsilməkdə olan növ kimi siyahıya alınmışdır və onun bir neçə Avstraliya əyalətindəki qorunma statusu aşağıdakı kimidir: Qorunma tədbirləri 2022-ci ilin iyul ayında qaraqulaq mədənçi quşunu qorumaq üçün 125 000 Avstraliya dolları ayrıldığı elan edilmişdir. Avstraliya Hökuməti, layihə üçün "Murraylands və Riverland Landşaft Şurasına" (MRLB) və onların tərəfdaşlarına maliyyə ayırmışdır. Layihənin bir hissəsi olaraq, tədqiqatçılar 200 populyasiyadakı quşların genetik testini aparacaqlar.
https://ebird.org/species/blemin1
https://en.wikipedia.org/wiki/Black-eared_miner
https://datazone.birdlife.org/species/factsheet/black-eared-miner-manorina-melanotis
https://threatenedspecies.bionet.nsw.gov.au/profile?id=10505
https://xeno-canto.org/species/Manorina-melanotis
http://www.environment.gov.au/cgi-bin/sprat/public/publicspecies.pl?taxon_id=449
https://www.inaturalist.org/taxa/73005-Manorina-melanotis
https://avibase.bsc-eoc.org/species.jsp?avibaseid=7661D9F446A09445
https://www.oiseaux.net/birds/black-eared.miner.html
https://birdsoftheworld.org/bow/species/blemin1/cur/introduction?lang=es&media=illustrations
Tarix : 11 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
