Plot tazısı - İlk növbədə ayı ovu üçün yetişdirilmiş it cinsi. 1989-cu ildə "Şimali Karolina Ümumi Assambleyası" Plot Tazısını rəsmi Ştat İti elan etdi. Plot Tazısı, ilk dəfə 1946-cı ildə "United Kennel Club" (UKC) tərəfindən qeydiyyata alındı. 2006-cı ildə "American Kennel Club" (AKC) tərəfindən tanındı və 2008-ci ildə "Westminster Show"-da nümayiş etdirildi. Görünüş Ümumiyyətlə atletik, əzələli və çevik görünüşə malikdir. Orta bədən quruluşuna sahibdir. Bəzi digər qoxu itlərindən fərqli olaraq, Plot tazısının dərisi sallanmır. Çox möhkəm quruluşa malik, lakin orta ölçülü bir itdir və xarakterik zolaqlı (brindle) rəngli tük örtüyünə malikdir. Onun görünüşü sürət, dözümlülük və dayanıqlıq qabiliyyətini göstərir. Ov zamanı iti tanımaq üçün istifadə edilən bir identifikasiya işarəsi ola bilər. Belə bir işarə, sərgilərdə cəza səbəbi sayılmır. Plot tazısının tük örtüyü incə və ya orta toxumaya malik, qısa və ya orta uzunluqda, hamar və parlaq görünüşə sahib olmalıdır. "National Plott Hound Association"-a görə, itin tük örtüyü zolaqlı (brindle) olmalıdır. Zolaqlı rəng, "qara və ya qonur tüklərin açıq və ya tünd fon rəngli tüklərlə incə zolaqlar və ya naxışlar şəklində olması" kimi təyin olunur. Qəbul edilən zolaqlı rənglərə sarı, qırmızı, qonur, qəhvəyi, qara, boz və "maltese" (boz-mavi) daxildir. Qara zolaqlı və ya tamamilə qara rəng də qəbul edilən variantlardandır. Assosiasiya qeyd edir ki, sinə və ya ayaqlarda bir qədər ağ rəng icazə verilir, lakin başqa yerlərdə ağ rəng nöqsan sayılır. Hündürlüyü erkəklərdə təxminən 51-64 sm, dişilərdə isə 51-58 sm olmalıdır. Erkəklərin çəkisi 23-27 kq, dişilərin isə 18-25 kq arasında dəyişir. Tarix United Kennel Club (UKC) tərəfindən qeydiyyata alınan yeddi rakun ovu iti cinsindən Plot tazısı, təkcə foxhounddan törəməyən yeganə cinsdir. Şimali Karolinadakı "Plott Balsams" dağ silsiləsi, "Plott" ailəsinin adını daşıyır. Bu ailənin əcdadı, Georg Plott (təq. 1733–1815), 18-ci əsrin sonlarında Almaniyadan Şimali Karolinaya köç etdi. Plot tazısı ov iti cinsi də Plot ailəsinin adını daşıyır. Qidalanma Sağlamlığını və enerjisini qorumaq üçün yüksək keyfiyyətli it yeməkləri ilə bəslənməsi vacibdir. Yemək porsiyalarını itin yaşına, maddələr mübadiləsinə və həyat tərzinə uyğunlaşdırmaq üçün baytarla məsləhətləşmək tövsiyə olunur. Ümumiyyətlə, Plot Tazıları çox seçici deyillər və həm quru, həm də yaş it yeməklərini məmnuniyyətlə qəbul edirlər. Əsas tələb olunan qidalanma dəyərləri 1. Yeməyin ən azı 22% zülal tərkibinə malik olması, 2. Kifayət qədər yağlar və digər qida maddələri Plot tazılarının enerji və sağlamlıq ehtiyaclarını təmin edir. Bu şərtləri yerinə yetirən yeməklər Plot tazılarını məmnun və sağlam saxlayacaq. Ən çox qoyulan 6 ad 1.Xena 2.Sophia 3.Chase 4.Copper 5.Hunter 6.Emine
https://en.wikipedia.org/wiki/Plott_Hound
https://a-z-animals.com/animals/plott-hounds/
https://www.akc.org/dog-breeds/plott-hound/
https://www.thesprucepets.com/plott-hound-dog-breed-4177781
https://dogtime.com/dog-breeds/plott
https://wagwalking.com/breed/plott-hound
https://www.petmd.com/dog/breeds/plott-hound
https://www.ukcdogs.com/plott-hound
https://www.webmd.com/pets/dogs/what-to-know-about-plott-hounds
https://www.wisdompanel.com/en-us/dog-breeds/plott
https://www.pethealthnetwork.com/dog-health/dog-breeds/plott-hound
Tarix : 11 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
