Kembric qoyunu - Müasir Britaniya mənşəli ev qoyunu növü. Tarix Kembric qoyunu 1964–1979-cu illər arasında Kembric Universitetində Con Ouen və Alun Deviz tərəfindən xüsusi olaraq, məhsuldarlığı artırmaq məqsədi ilə yetişdirilib. Müxtəlif Britaniya qoyun növlərinin dişiləri Fin qoyunlarının qoçları ilə cütləşdirilib. Bu dişilər əsasən "Klun Forest" növündən olsa da, "Border Leicester", "Hill Radnor", "Kerry Hill", "Llanwenog", "Lleyn" və "Ryeland" növləri də istifadə edilib. 1969-cu ildə qoyun sürüsünün qeydiyyat kitabı tərtib edilib və 1979-cu ilə qədər bu növ tam formalaşıb. Xüsusiyyətlər Kembric qoyunu orta və ya iri ölçülü, buynuzsuz bir qoyun növüdür. Bədəni vahid qəhvəyi rəngdədir. Maraqlıdır ki, bu qoyunun üzü də qəhvəyi rənglidir. Bu növ qısa yunlu qoyunlara aiddir. Yunun çəkisi təxminən 2,5 kq, təbəqə uzunluğu isə təxminən 100 mm-dir. Çoxalma Kembric qoyununun dişiləri bütün qoyun növləri arasında ən məhsuldarlarından biridir. Bir, iki və üç yaşlı dişilərin orta balalama sayı müvafiq olaraq 1,7, 2,5 və 2,9-dur.
http://www.cambridge-sheep.org.uk/
https://www.livestockoftheworld.com/sheep/Breeds.asp?BreedLookupID=2016&SpeciesID=10
https://journal.fi/afs/article/view/72316
https://www.cambridge.org/core/journals/animal-science/article/abs/prolificacy-and-50day-lamb-weight-of-ewes-in-the-cambridge-sheep-breed/7E551E04D5E6D14F53BDC0E33E6AF50F
https://en.wikipedia.org/wiki/Cambridge_(sheep)
Tarix : 24 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
