Kao Mane pişiyi - Tayland mənşəli nadir və təbii bir ev pişiyi növü. Tarix Kao Mane pişiyi, Siam, Tay, Korat, Suphalak və digər Tayland mənşəli təbii pişik növləri ilə müqayisə edilə bilən qədim bir növdür. Bu pişiklər "Tamra Maew" kitabında qeyd olunmuşdur və Siyam pişiyi kimi digər növlərlə birlikdə Taylandın (keçmiş adı ilə Siam) yerli pişikləri hesab olunur. -Ayutthaya Krallığı (1351–1767): Bu dövrdə qədim Siam pişikləri haqqında bir çox kitab yazılmışdır, lakin Kao Mane haqqında xüsusi qeydlər yoxdur. -Thonburi Krallığı (1768–1782): Ayutthaya Krallığının süqutundan sonra Kao Mane pişiklərinin tarixi qeydləri Wat Arun məbədində tapılmışdır. -Rattanakosin Krallığı (Bangkok): Kral Nangklao dövründə (1824–1851) Kao Mane pişikləri daha tez-tez qeyd olunmağa başladı. Bu pişiklər məşhur idi və məbədlərdə onların təsvirləri tapılmışdır. Tanınması Kao Mane pişikləri əvvəlcə Siam kral ailəsi tərəfindən saxlanılıb və yetişdirilirdi. Taylandda yetişdiricilər bu növün qorunub saxlanılması üçün çalışırlar. ABŞ-a ilk Kao Mane pişiyi 1999-cu ildə gətirilmişdir. 2004-cü ildə Frédéric Lachaud-Goedert, Fransa-da yetişdirmə proqramına başladı. Qeydiyyat Kao Mane pişikləri 2009-cu ildə "TICA" (The International Cat Association) tərəfindən qeydiyyata alındı və 2015-ci ildə çempionat statusu qazandı. "CFA" (Cat Fanciers' Association) tərəfindən 2018-ci ildə rəsmi olaraq tanınıb. Məşhurluğu Kao Mane pişikləri dünyanın ən nadir pişik növlərindən biridir və qiymətləri 11.000 ABŞ dollarına qədər çıxa bilər. Taylandda bu pişiklər monarxiya ilə əlaqələndirilir və uğur gətirdiyinə inanılır. Xüsusiyyətləri Kao Mane pişikləri tamamilə ağ rəngli, qısa və hamar tüklərə malikdir. Pəncə yastıqları və burun dərisi çəhrayı rəngdədir. Onlar əzələli və atletik pişiklərdir. Çəkiləri təxminən 4,5 kiloqram, uzunluqları isə 35-45 santimetr olur. Gözləri parlaq və canlı olmalıdır. Gözlərin rəngi mavi (aqua daxil), qızılı (qəhvəyi, mis, sarı, qəhvəyi və yaşıl rənglər daxil) və ya yaşıl ola bilər. Tək gözlü (odd-eyed) Kao Mane pişikləri ən nadir növdür. Sağlamlıq Kao Mane pişiyi ümumiyyətlə sağlam bir növ hesab olunur və bu irqə təsir edən genetik sağlamlıq problemləri azdır. Lakin, Kao Mane kimi tamamilə ağ rəngli pişiklər bəzən karlıq problemi ilə üzləşə bilərlər. Bu, tək tərəfli (yalnız bir qulaqda karlıq) və ya iki tərəfli (hər iki qulaqda karlıq) ola bilər. Bu pişiklər ortalama 12 il ömrə sahibdirlər. Xarakter Kao Mane pişiyi oyunc sevən və maraqlı təbiətlidir. Bəziləri onu hətta "yaramaz" adlandıra bilər, lakin bütün bunlar yalnız əyləncə üçündür. Bu fırıldaqçı pişik növü öz şən və xoş xasiyyəti ilə tanınır və onların hiyləgər hərəkətləri həmişə bu xasiyyətlə tarazlıq təşkil edir. Bu irq dostcanlı və açıq xarakteri ilə məşhurdur, hətta yad adamlarla belə asanlıqla ünsiyyət qurur. Kao Mane pişiyi demək olar ki, həmişə yeni gələnləri sevincək qarşılamaq üçün qaçır. Sosial Kao Mane pişiyi insan ailəsindən çoxlu diqqət və qayğı tələb edir. Bu irq saatlarla tək qalmağı sevmir. Bu pişiklər uşaqlar və digər ev heyvanları ilə yaxşı yola gedirlər.
https://cfa.org/breed/khao-manee/
https://www.purina.co.uk/find-a-pet/cat-breeds/khao-manee
https://www.thesprucepets.com/khao-manee-5200565
https://scrumbles.co.uk/blogs/news/khao-manee-cat-breed-guide
https://icatcare.org/advice/khao-manee/
https://www.webmd.com/pets/cats/what-to-know-khao-manee
https://www.zooplus.co.uk/magazine/cat/cat-breeds/khao-manee
https://www.royalcanin.com/rs/cats/breeds/khao-manee
https://felinefancy.co.uk/blogs/cat-breeds-info/khao-manee?srsltid=AfmBOoo6bshfNsstAqaMl_YxJNSl7mi2QALaTtNZ_r9e4XqoR8TDLdur
https://www.litter-robot.com/blog/khao-manee-cat/?srsltid=AfmBOooA0x9bq5Xka8w02qo2J1HFIn-C5JyYwC6KM_BhL8-qwXY4bZWu
https://www.catster.com/cat-breeds/khao-manee/
https://www.omlet.co.uk/breeds/cats/khao_manee/
https://cats.fandom.com/wiki/Khao_Manee
https://www.dailypaws.com/cats-kittens/cat-breeds/khao-manee-khao-plort
https://animalia.bio/pets/khao-manee
https://pangovet.com/pet-breeds/cats/khao-manee/
https://cattime.com/cat-breeds/khao-manee
https://en.wikipedia.org/wiki/Khao_Manee
Tarix : 22 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
