Kampina qaratoyuğu (Turdus arthuri) - Amazon biomuna aid olan "Turdus" cinsinə aid bir qaratoyuq növü. Taksonomiya Kampina qaratoyuğu ilk dəfə 1914-cü ildə Çarlz Çabb tərəfindən, Britaniya Qvianasında (müasir Qayana) Abari çayı yaxınlığında toplanmış nümunə əsasında "Artur qaratoyuğu" adı ilə təsvir edilmiş və "Planesticus" cinsinə aid edilmişdir. 2019-cu ilə qədər qaradimdik qaratoyuğunun yarımnövü kimi qəbul edilirdi, lakin 2019-cu ildə "Cənubi Amerika Təsnifat Komitəsi" tərəfindən onun və Pantepui qaratoyuğunun ayrılması təklifi birmənalı şəkildə qəbul edildi. Təsvir Kampina qaratoyuğunun ümumi uzunluğu 202 mm, çəkisi isə 64 qramdır. Orta ölçülü, tünd qəhvəyi rəngli bir qaratoyuq növüdür, ağ boğazı qəhvəyi zolaqlarla örtülüdür. Ağ qarın və quyruqaltı hissəsi var, qarnı açıq rəngdədir. Qohumu olan Pantepui qaratoyuğuna bənzəsə də, ondan daha kiçikdir, qanadlarında zəif zeytun çaları var və ümumilikdə daha kül rəngli görünür. Yayılması və yaşayış mühiti Bu növ Qərbi Mərkəzi Amazoniyada və Qvianan qalxanında pozulmuş yaşayış mühitlərində ən çox rast gəlinən "Turdus" qaratoyuğudur. Braziliya, Qayana, Surinam və Venesuelada yayılmışdır. Açıq sahələr, qalereya meşələri olan savannalar, serrado, rütubətli meşə kənarları, qəhvə plantasiyaları və insan fəaliyyətinin təsiri altında olan müxtəlif yaşayış mühitlərində rast gəlinir.
https://en.wikipedia.org/wiki/Campina_thrush
https://ebird.org/species/bkbthr3
https://xeno-canto.org/species/Turdus-arthuri
https://birdsoftheworld.org/bow/species/bkbthr3/cur/introduction
https://www.inaturalist.org/taxa/980030-Turdus-arthuri
https://datazone.birdlife.org/species/factsheet/campina-thrush-turdus-arthuri
https://avibase.bsc-eoc.org/species.jsp?avibaseid=F28463EA44A873B4
https://animalia.bio/campina-thrush#google_vignette
Tarix : 19 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
