Fransız spanyeli - Setter cinsinə aid it növü. O, Fransa və Kanada da ov iti olaraq inkişaf etdirilmişdir və 14-cü əsrə aid itlərdən törəmişdir. Orta əsrlərdə kral ailələri arasında məşhur olan bu cins 20-ci əsrin əvvəllərində demək olar ki, tükənmişdi, lakin fransız rahibi Father Fournierin səyləri ilə qorunmuşdur. Tarix Fransız spanyeli 1805-ci ilə aid bir rəsmdə, yaşılbaş ördək ovlayarkən təsvir edilmişdir. Bu cinsin adı ilk dəfə 14-cü əsrdə Gaston III Foiks Bearnın "Livre de chasse" əsərində qeyd edilmişdir, bu əsər İngilis dilinə "The Master of Game" adı ilə tərcümə edilmişdir. 1660-cı ildə xüsusi bir Spanyel növü kimi tanınmış və holland tipli "King Charles Spaniel"indən fərqli olduğu bildirilmişdir. Fransız Spanyeli Klubu 1921-ci ildə təsis edilmiş, Father Fornier isə klubun prezidenti olmuşdur. Müasir Fransız Spanyeli, "Brittany", "Picardy" və "Blue Picardy" cinsləri ilə birlikdə tanınmış Spanyel cinslərindən biridir. Tanınma 1970-ci illərdə Kanadanın Kvebek vilayətində tanıdıldıqdan sonra artmışdır. O, tez bir zamanda meşə quşu və su quşlarının ovlanması üçün məşhur bir ov iti olmuşdur. 1978-ci ildə "Club de l'Épagneul Français du Canada" yaradılmış və 1985-ci ildə Kanadanın İt Klubunun tanıdığı bir cins olaraq qeydiyyata alınmışdır. Fransız spanyeli həmçinin "Fédération Cynologique Internationale" və "United Kennel Club" tərəfindən tanınır. "Birləşmiş Krallığın Kennel Klubu" və "Amerikan Kennel Klubu" isə bu cinsi tanımır, amma "Şimali Amerika Çoxməqsədli Ov İtləri Assosiasiyası" tərəfindən tanınır və ABŞ it qeydlərində qeydiyyatdan keçib. Xüsusiyyətləri Ən hündür spanyel növlərindən biridir. Erkəklər 56–61 sm boyunda, dişilər isə bir az qısadır. Çəkisi 20–27 kq arasında dəyişir. Bu it əzələli bir bədən quruluşuna malikdir. Böyük bədənini güclü ayaqları saxlayır. Tünd amber rəngində gözləri və ucuna doğru daralan qalın quyruğu vardır. Tükləri orta uzunluqda və sıxdır. Qulaqlar, ayaqların arxası və quyruq uzun tüklərdən ibarətdir. Üzərində bir qədər dalğalı, bədənin digər hissələrində isə düz tüklər yerləşir. Fransız spanyelinin normal rəngi ağdır və üzərində qəhvəyi ləkələr vardır. Bu ləkələr açıq darçın rəngindən tünd qaraciyər rənginə qədər dəyişir. Xarakter Dostcanlı və xaraktercə açıqdır. O, yaxşı balanslanmış və səbirli bir itdir. Bu cins təbii olaraq aqressiv deyil, sahibinə xoşbəxtlik gətirmək istəyir və buna görə də asanlıqla öyrədilə bilər. Yüksək enerji səviyyəsinə malikdir və uzunmüddətli fiziki fəaliyyət tələb edir. Sağlamlıq Sağlam bir cinsdir, lakin "akral mutilasiya" və "analgeziya" adlı dermatoloji xəstəlikdən təsirlənə bilər. Bu xəstəlik itlərin ayaqlarını yalayıb dişləyərək zədələmələrinə səbəb olur və nəticədə iltihab və bakterial infeksiyalar yaranır. Bəzi hallarda itlər öz dırnaqlarını və ya barmaqlarını kəsə bilərlər.
https://en.wikipedia.org/wiki/French_Spaniel
https://www.akc.org/dog-breeds/french-spaniel/
https://dogtime.com/dog-breeds/french-spaniel
https://www.dogster.com/dog-breeds/french-spaniel
https://www.dogbreedinfo.com/f/frenchspaniel.htm
https://wagwalking.com/breed/french-spaniel-1
https://www.ckc.ca/en/Choosing-a-Dog/Choosing-a-Breed/Sporting-Dogs/Spaniel-French
https://minnesotafrenchspaniels.com/
https://www.petguide.com/breeds/dog/french-spaniel/
Tarix : 7 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
