Franklin qağayısı (Leucophaeus pipixcan) - Kiçik ölçülü (12,6–14,2 düym, 32–36 sm) bir qağayı növü. Ümumi məlumat Cins adı olan Leucophaeus, qədim yunan dilində "ağ" mənasını verən leukos və "tünd" mənasını verən phaios sözlərindən törəmişdir. Növün adı olan pipixcan isə Nahuatl dilində bir qağayı növünü ifadə edir. İngilis dilindəki ümumi ad isə qütb tədqiqatçısı Ser Con Franklinin şərəfinə verilmişdir. O, 1825-ci ildə növün ilk nümunəsinin toplandığı ekspedisiyaya rəhbərlik etmişdir. Təsvir Franklin qağayısı Kanadanın mərkəzi əyalətlərində və ABŞ-nin şimal ştatlarında çoxalır. Miqrasiya edən bu quş, qışı Argentina, Karib hövzəsi, Çili və Peruda keçirir. Yay aylarında yetkin fərdlərin bədəni ağ, beli və qanadları isə oxşar ölçülü digər qağayılardan daha tünd boz rəngdədir. Qanadların ucları qara rəngdədir və yanında ağ zolaq var. Dimdiyi və ayaqları qırmızıdır. Yetkin fərdlərin qara başlığı qışda əsasən itir. Cavan quşlar yetkinlərə bənzəyir, lakin başlıqları daha az inkişaf etmişdir və qanadlarında ağ zolaq yoxdur. Onlar yetkinliyə çatmaq üçün üç il vaxt tələb edirlər. Ölçülər: -Uzunluq: 32–36 sm -Çəki: 230–300 q -Qanad aralığı: 85–95 sm Yayılması Bu quş Şimali Amerikanın sahillərində nadir hallarda görünsə də, şimal-qərb Avropaya, cənub və qərb Afrikaya, Avstraliyaya və Yaponiyaya nadir qonaq kimi gəlir. 2011-ci ildə İsrailin Eylat şəhərində və 2006-cı ilin iyulunda Kiprin Larnaka şəhərində bir dəfə qeydə alınıb. 2017-ci ilin əvvəlində Cənubi Rumıniyada (cənub-şərq Avropa) da müşahidə edilmişdir. Davranış Franklin qağayıları digər qağayılar kimi omnivordur və həm əlverişli kiçik ovları axtarır, həm də leş ilə qidalanır. Yazda, Bow çayı kimi çaylarda böyük qruplar cərəyanla üzərək yeni çıxan həşəratları yeyirlər. Bu davranış müəyyən bir ərazidən üzüb keçməyi və eyni hissəyə təkrar-təkrar qayıtmağı əhatə edir. Çoxalma Quşlar çöl gölləri yaxınlığında koloniyalarda çoxalır və yuvasını yerə, bəzən isə üzən materiallar üzərinə qurur. İki və ya üç yumurta təxminən üç həftə müddətində inkubasiya olunur. Adlandırılma Quş, qütb tədqiqatçısı Ser Con Franklinin şərəfinə adlandırılmışdır. O, 1823-cü ildə Franklin qağayısının ilk nümunəsinin toplandığı ekspedisiyaya rəhbərlik etmişdir. Status Bu növün geniş yayılma ərazisi və hazırda artan böyük bir populyasiyası var, buna görə də "İUCN Qırmızı Siyahı"nda "ən az narahatlıq doğuran" kimi təsnif edilmişdir. "Wetlands International" təşkilatı 2018-ci ildə qlobal populyasiyanı 1.000.000-1.490.000 fərd olaraq qiymətləndirib.
https://ebird.org/species/fragul
https://www.nzbirdsonline.org.nz/species/franklins-gull
https://en.wikipedia.org/wiki/Franklin%27s_gull
https://www.allaboutbirds.org/guide/Franklins_Gull/id
https://datazone.birdlife.org/species/factsheet/franklins-gull-larus-pipixcan
https://www.audubon.org/field-guide/bird/franklins-gull
https://www.bto.org/understanding-birds/birdfacts/franklins-gull
Tarix : 26 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
