Ərəb yaşıl arıquşu (Merops cyanophrys) - Meropidae fəsiləsinə aid quş növü. Bu növ Ərəb yarımadasının quru bölgələrində, Səudiyyə Ərəbistanından Yəmənə qədər cənubda və Oman ilə Birləşmiş Ərəb Əmirliklərinə qədər şərqdə yayılıb. Son onilliklərdə şimala doğru genişlənərək Levant regionuna qədər yayılmışdır. Taksonomiya Əvvəlcə ayrı növ kimi təsvir edilsə də, Ərəb yaşıl arıquşu və Afrika yaşıl arıquşu (M. viridissimus) 1990-cı ildə Çarlz Sibli və Burt Monro tərəfindən Asiya yaşıl arıquşu (M. orientalis) ilə birlikdə "yaşıl arıquşu" adı altında qruplaşdırılmışdı. Lakin 2014-cü ildə "IUCN" Qırmızı Siyahısı və "BirdLife International" onları yenidən ayrı növlər kimi təsnif etdi. 2020-ci ildə aparılan bir araşdırma bu üç növ arasında morfologiya və səs cəhətdən əhəmiyyətli fərqlər aşkar etdi və 2021-ci ildə "Beynəlxalq Ornitoloqlar Birliyi" tərəfindən də ayrı növlər kimi tanındı. Növlər -M. c. cyanophrys – Ərəb yarımadasının qərb və cənub hissələri ilə cənubi İsrail. -M. c. muscatensis – Ərəb yarımadasının mərkəzi və şərq hissələri. Təsvir Ərəb yaşıl arıquşu M. orientalis və M. viridissimus növlərindən daha qısa mərkəzi quyruq lələkləri, mavi alın, gözüstü zolağı və boğazı, həmçinin daha geniş qara döş zolağı ilə fərqlənir. Səsləri də digər növlərdən fərqlidir. Yayılması Bu növ Yaxın Şərqin quru, açıq ərazilərində, dağınıq ağaclı yerlərdə, vadilərdə, bağlarda və kənd təsərrüfatı ərazilərində yaşayır. Qərbi və mərkəzi Səudiyyə Ərəbistanından Yəmənə qədər cənubda, Oman və BƏƏ-nin şərq hissələrinə qədər yayılıb. BƏƏ-nin qərbində yerləşən adalarda da rast gəlinir. Kənd təsərrüfatının genişlənməsi və suvarma bu növ üçün yeni optimal yaşayış mühiti yaratdığından onun populyasiyası artmış və 2001-ci ildən əvvəl Levant regionunun (şərqi İsrail, qərbi İordaniya və Sinay yarımadasının çox kiçik bir hissəsi) bir hissəsini məskunlaşdırmışdır. Populyasiyanın artması və insan fəaliyyətindən faydalanması səbəbindən bu növün təhlükə altında olduğu düşünülmür.

İstinadlar

https://en.wikipedia.org/wiki/Arabian_green_bee-eater

https://www.birdsofsaudiarabia.com/2023/02/arabian-green-bee-eater-al-hair.html

https://ebird.org/species/grnbee2

https://www.360photographynature.com/arabian-green-bee-eater

https://animaldiversity.org/accounts/Merops_orientalis/

https://critter.science/the-arabian-green-bee-eater/

http://www.arthurgrosset.com/mebirds/littlegreenbee-eater.html

https://birdsoftheworld.org/bow/species/grnbee2/cur/introduction

https://www.pbase.com/dophoto/image/89355443

https://datazone.birdlife.org/species/factsheet/arabian-green-bee-eater-merops-cyanophrys/summary

https://fageldagbok.se/bild/2030-merops-cyanophrys

https://www.oiseaux.net/birds/arabian.green.bee-eater.html

Tarix : 27 yanvar 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.