Duane sindromu - Göz hərəkətlərini idarə edən sinirlərin anormal inkişafı nəticəsində yaranan göz hərəkət pozuntusu. Bu sindrom əsasən gözün yan tərəfə hərəkət etməsində çətinlik, göz qapaqlarının daralması və bəzən gözün geri çəkilməsi ilə xarakterizə olunur. Duane sindromu adətən uşaqlıqda müşahidə edilir və çox vaxt bir göz təsirlənir. Tarix Duane sindrom ilk dəfə oftalmoloqlar Jakob Stilling (1887) və Siegmund Türk (1896) tərəfindən təsvir edilmiş, daha sonra əlamətləri 1905-ci ildə daha ətraflı müzakirə edən Aleksandr Duanenin adı ilə adlandırılmışdır. Səbəblər Göz hərəkətlərini idarə edən 6-cı kranial sinirin (abducens siniri) anormal inkişafı və ya yoxluğu ilə əlaqədardır. Bu sinirin əvəzinə 3-cü kranial sinir (okulomotor sinir) göz hərəkətlərini idarə edir, bu da göz hərəkətlərində məhdudiyyət və anormallıqlara səbəb olur. Duane sindromu çox vaxt doğuşdan mövcuddur və genetik mutasiyalarla əlaqəli ola bilər. Simptomlar Simpomlara gözün yan tərəfə hərəkət etməsində çətinlik, göz qapaqlarının daralması (göz hərəkət edərkən), gözün geri çəkilməsi (retraksiya), şaşılıq (strabismus), başın yan tərəfə əyilməsi (kompensator baş pozası), iki gözün eyni anda hərəkət etməsində çətinlik (binokulyar koordinasiya pozuntusu), görmə itkisi (nadir hallarda) daxildir. Epidemiologiya Duane Sindromu nadir bir vəziyyətdir və təxminən hər 10.000 doğuşdan 1-də müşahidə edilir. Qadınlarda kişilərə nisbətən daha çox yayılmışdır (təxminən 60% qadın, 40% kişi). Sindromun təxminən 70-80%-i bir gözə , 20-30% isə hər iki gözə təsir edir. Duane sindromu çox vaxt digər anadangəlmə qüsurlarla (məsələn, qulaq və ya onurğa anormallıqları) birlikdə müşahidə edilir. Müalicə Duane sindromunun müalicəsi simptomların ağırlıq dərəcəsindən asılıdır, yüngül hallarda müalicə tələb olunmaya bilər. Çəpgözlük və ya baş pozası kimi simptomlar üçün göz məşqləri və ya prizmatik eynəklər tövsiyə oluna bilər. Ağır hallarda cərrahi əməliyyat (məsələn, göz əzələlərinin yenidən tənzimlənməsi) göz hərəkətlərini yaxşılaşdırmaq üçün tətbiq edilə bilər. Cərrahi əməliyyat gözün düzgün hizalanmasını təmin edərək baş pozasını azalda bilər. Lakin göz hərəkətlərində tam normal funksiyanı bərpa etmək çətin ola bilər. Maraqlı faktlar - Duane sindromu adətən uşaqlıqda müşahidə edilir və çox vaşn hər iki gözü təsirləmir. - Bu sindromun 3 əsas növü var: Tip 1 (yan hərəkətdə məhdudiyyət), Tip 2 (daxili hərəkətdə məhdudiyyət), Tip 3 (hər iki istiqamətdə məhdudiyyət). - Duane sindromu olan insanların çoxu normal görmə qabiliyyətinə malikdir və bu sindrom görmə itkisinə səbəb olmur. - Bəzi hallarda Duane sindromu digər genetik sindromlarla (məsələn, Okulo-Aurikulo-Vertebral Spektrum) əlaqəli ola bilər.
https://my.clevelandclinic.org/health/diseases/24315-duane-syndrome
https://eyewiki.org/Duane_Retraction_Syndrome
https://www.childrenshospital.org/conditions/duane-syndrome
https://rarediseases.org/rare-diseases/duane-syndrome/
https://aapos.org/glossary/duane-syndrome
https://www.ncbi.nlm.nih.gov/books/NBK570558/
https://www.orpha.net/en/disease/detail/233
https://www.uhsussex.nhs.uk/resources/duanes-retraction-syndrome-2/
https://www.aao.org/education/disease-review/strabismus-duane-retraction-syndrome
https://www.dovepress.com/duane-retraction-syndrome-causes-effects-and-management-strategies-peer-reviewed-fulltext-article-OPTH
https://www.sciencedirect.com/topics/medicine-and-dentistry/duane-syndrome
https://seyhanozkan.com/duane-sendromu/
https://www.sasilik.com.tr/makaleler/20-duane-sendromu.html
Tarix : 15 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
