Benqal pişiyi - Asiya leopar pişiyi (Prionailurus bengalensis) ilə ev pişiklərinin, xüsusilə xallı Misir Mau pişiyinin cütləşməsindən yaranan hibrid bir pişik növü. Tarix Asiya leopar pişiyi ilə ev pişiyinin cütləşməsi ilə bağlı ilk qeyd 1889-cu ildə Harrison Weir tərəfindən "Our Cats and All About Them" kitabında edilmişdir. Kaliforniyalı Jean Mill müasir Benqal növünün yaradılmasında əsas rol oynamışdır. O, ilk dəfə Asiya leopar pişiyini qara Kaliforniya erkək pişiyi ilə məqsədli şəkildə cütləşdirmişdir. Lakin Benqal pişikləri növ kimi daha sonra inkişaf etdirilmişdir. 1986-cı ildə "The International Cat Association" (TICA) tərəfindən "yeni növ" kimi qəbul edilən Benqal pişikləri, 1991-ci ildə "TICA" çempionat statusu qazandı. "Governing Council of the Cat Fancy" (GCCF) 1997-ci ildə Benqal pişiklərini qəbul etdi. "Fédération Internationale Féline" (FIFe) 1999-cu ildə bu növü qeydiyyatına daxil etdi. Həmçinin 1999-cu ildə Benqal pişikləri "Avstraliya Pişik Federasiyası" (ACF) tərəfindən tanındı. "Cat Fanciers' Association" (CFA) 2016-cı ildə Benqal pişiklərini "Müxtəlif" kateqoriyasına daxil etdi, lakin bu pişiklərin Asiya leopar pişiyindən və ya Benqal olmayan ev pişiklərindən ən azı 6 nəsil uzaq olması şərti var idi. Benqal pişiklərinin ilk üç nəsli (F1, G2 və G3) "əsas" və ya "erkən nəsil" Benqallar hesab olunur. Erkən nəsil erkək Benqallar çox məhsuldar deyil. Buna görə də erkən nəsil dişi Benqallar daha sonrakı nəsillərdən olan məhsuldar erkək Benqallarla cütləşdirilir. Məşhurluq Benqal növü 1980-ci illərdə daha da inkişaf etdirildi. 1992-ci ildə "TICA"-da 125 qeydiyyatdan keçmiş Benqal yetişdiricisi var idi. 2000-ci illərdə Benqal pişikləri çox məşhur bir növə çevrildi. 2019-cu ildə "TICA"-da dünya üzrə təxminən 2,500 Benqal yetişdiricisi qeydiyyatdan keçmişdi. Görünüş -Çəki: 3.6-7.7 kq -İşarələr: Benqal pişikləri xallı, rozetli, ox başlı işarələr və ya mərmər naxışlı xəzə malik ola bilər. -Rənglər: Benqal pişikləri müxtəlif xəz rənglərində olur. "TICA" tərəfindən tanınan Benqal rənglərinə qəhvəyi xallı, "seal lynx point" (qar), "sepia", gümüşü və "mink" xallı təbii naxışlı daxildir. Qanuni məhdudiyyətlər Avstraliyada, G5 (beşinci nəsil) Benqallar məhdud olmasa da, onların idxalı mürəkkəbdir. Birləşmiş Krallıqda Benqal pişikləri 2007-ci ildə tənzimləndi, lakin sonradan lisenziya tələbləri ləğv edildi. ABŞ-də bəzi ştat və bələdiyyələrdə qanuni məhdudiyyətlər və hətta qadağalar mövcuddur. Məsələn, Havayda Benqal pişikləri qadağandır. Konnektikutda hər hansı bir nəsil Benqal pişiyi saxlamaq qanunsuzdur. Alyaskada Benqal pişikləri Asiya leopar pişiyindən ən azı 4 nəsil uzaq olmalıdır. Kaliforniyada Asiya leoparları xüsusi olaraq məhdud növlər siyahısında deyil. Nyu-York ştatında, Corciyada, Massaçusetsdə və İndianada F1–G4 nəsilləri tənzimlənir. Sağlamlıq Hipertrofik kardiyomiopatiya (HCM), Benqal pişiklərində əsas narahatlıq doğuran bir xəstəlikdir. Bu xəstəlikdə ürək əzələsi qalınlaşır və ürəyin qan pompalaması çətinləşir. HCM Benqal pişiklərində genetik bir xəstəlikdir və 2018-ci ilə qədər genetik test mövcud deyildir. ABŞ-də HCM müayinəsi üçün Benqal pişikləri veterinar kardioloqa aparılır və ekokardioqram çəkilir. Benqal pişikləri bir neçə genetik xəstəlikdən təsirlənir, onlardan biri də Benqal proqressiv retinal atrofiyadır (PRA-b). Bu test yetişdiricilər tərəfindən həyata keçirilir və asanlıqla edilə bilər. PK çatışmazlığı Benqal pişiklərində tez-tez rast gəlinən genetik xəstəliklərdən biridir. Yetişdiricilər bu testi özləri həyata keçirir. Birləşmiş Krallıqda aparılan bir araşdırmaya görə, Benqal pişiklərinin orta ömrü 8.51 il, ümumi pişiklərin orta ömrü isə 11.74 ildir. Orta ömür azlığına baxmayaraq, 16 ilə kimi ömür sürə bilirlər. Qulluq Benqal pişikləri tez-tez allergiyaya səbəb olmayan bir növ kimi təqdim olunur, lakin bu iddia elmi olaraq sübuta yetirilməyib. Benqal pişikləri orta səviyyədə tük tökür və az qulluq tələb edir.
https://www.purina.co.uk/find-a-pet/cat-breeds/bengal
https://cfa.org/breed/bengal/
https://www.dailypaws.com/cats-kittens/cat-breeds/bengal
https://www.zooplus.co.uk/magazine/cat/cat-breeds/bengal-cat
https://www.trupanion.com/en-ca/pet-blog/article/bengal
https://www.petinsurance.com/healthzone/pet-breeds/cat-breeds/5-things-you-didnt-know-about-bengal-cats/
https://www.petmd.com/cat/breeds/bengal
https://www.thesprucepets.com/bengal-cat-gallery-4121767
https://vcacanada.com/know-your-pet/cat-breeds/bengal
https://royalbengalcattery.com/about-bengals/bengal-cat-colors.html
https://www.webmd.com/pets/cats/what-to-know-about-bengal-cats
https://www.petinsurance.com/healthzone/pet-breeds/cat-breeds/bengal/
https://www.pdsa.org.uk/pet-help-and-advice/looking-after-your-pet/kittens-cats/bengal
https://med.stanford.edu/news/all-news/2024/03/bengal-cats.html
https://brit-petfood.com/en/breed-catalog/short-haired-and-somali-cats/bengal-cat
https://en.wikipedia.org/wiki/Bengal_cat
Tarix : 21 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
