Bavariya istiqanlı atı - Cənubi Almaniyaya məxsus bir cinsdir və Rottaler adlı daha ağır istiqanlı Bavariya atlarından inkişaf etdirilmişdir. XX əsrin ortalarında mexanikləşmənin artması ilə Bavariya Regional At Yetişdirmə Cəmiyyəti bu cinsi Olimpiya idman növləri və əyləncəli minik üçün inkişaf etdirməyə başlamışdır. Xüsusiyyətləri Brend nişanı: Sol bud nahiyəsində "B" hərfinin içərisində taclı qalxan təsviri olur. Rəngləri: Bütün rənglərə icazə verilir, lakin tünd, vahid rənglərə üstünlük verilir. Boy ölçüsü: 157 – 168 sm. Xasiyyəti Dinc, itaətkar, çalışqan və idman üçün uyğun xarakterə sahibdir. Aqressiv və ya əsəbi atlar seleksiya prosesindən kənarlaşdırılır. Nəsil xətləri Bavariya istiqanlı ayğırları – 45% Holştaynerlər – 42% Digər Alman istiqanlıları (Hanover, Oldenburq, Vestfaliya, Reynland və s.) – 24% Trakehnerlər, İngilis safqanları, Budyonny atları və hətta Rus istiqanlıları da nəsil xəttində yer alır. Tarixi Bavariya istiqanlı atlarının sələfi Rottaler cinsi olub, əsasən əkinçilik, araba çəkmə və minik üçün istifadə edilirdi. 1907-ci ildə Rottaler cinsi üçün rəsmi qeydiyyat kitabı yaradılmışdır. 1963-cü ildən at cinsinin inkişafı idman minik istiqamətinə yönləndirilmiş və adı Bavariya İstiqanlı Atı olaraq dəyişdirilmişdir. Klassik Rottaler cinsi tədricən Hanover, Vestfaliya, Holştayn, Trakehner və İngilis safqanları ilə əvəz olunmuşdur. 1994-cü ildə köhnə Rottaler tipini qorumaq üçün bir cəmiyyət yaradılmışdır. Bu gün Bavariya istiqanlı atları əsasən Alman və Avropa istiqanlı atlarının qarışığından ibarətdir və dünya səviyyəsində idman yarışlarında yüksək qiymətləndirilir. İstifadə sahələri Bavariya istiqanlı atları beynəlxalq səviyyədə idman atçılığında geniş istifadə olunur. Onlar üç əsas Olimpiya atçılıq növündə – konkur (show jumping), dresaj (dressage) və üçnövçülükdə (eventing) uğur qazanırlar. 2006-cı il beynəlxalq idman reytinqində: Konkur üzrə – 13-cü yer Dresaj üzrə – 15-ci yer Üçnövçülük üzrə – 12-ci yer Bundan əlavə, birləşdirilmiş qoşqu yarışlarında (combined driving) geniş istifadə olunur və Dünya Kuboku komandalarında yer alıblar. ABŞ-da Bavariya istiqanlı atları, xüsusilə "show hunter" (gözəllik və texnika əsaslı maneə yarışları) kateqoriyasında populyardırlar.

İstinadlar

https://www.globetrotting.com.au/horse-breed-bavarian-warmblood/

https://www.ehorses.com/buy-horse/bavarian-warmblood.html

https://hi3.horseisle.com/www/bbb/Bavarian_Warmblood.php

https://www.viovet.co.uk/breed_information/2-339/Bavarian-Warmblood

https://www.pinterest.com/horsebreedindex/bavarian-warmblood/

https://horsebreedslist.com/bavarian-warmblood/

https://sporthorse-data.com/breeds/bavarian-warmblood

Tarix : 1 mart 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.