Banker atı - Şimali Karolinanın Outer Banks bölgəsində yerləşən baryer adalarında yaşayan bir yabanı at cinsi. Kiçik ölçülü, dözümlü və sakit xasiyyətli olması ilə tanınır. Xüsusiyyətləri Banker atı nisbətən kiçik ölçülü olur. Boyları 132–150 sm arasında dəyişir və 360–450 kq çəkidə olur. Baş və bədən quruluşu: Alın geniş, üz profili isə düz və ya bir qədər qabarıq olur. Sinə dərin, lakin dar, bel qısa, sağrı isə maili və quyruq aşağı setlidir. Ayaqlardakı oval formalı topuq sümükləri, onların güclü sümük quruluşuna malik olduğunu göstərir. Dəri və tük örtüyü Çestnat adlanan qabarıqlıqlar çox kiçikdir, hətta bəzi Bankerlərdə arxa ayaqlarda ümumiyyətlə olmur. Rəngləri müxtəlif ola bilər, lakin ən çox qəhvəyi, bay (tünd qırmızı-qəhvəyi), dun (bozumsu-qəhvəyi) və kəhrəba (açıq qırmızı-qəhvəyi) olur. Hərəkət və xarakter Uzun addımlarla yeriyir, bəzi fərdlər pace və amble (xüsusi ritmik yerişlər) etməyi bacarır. Dözümlü, mehriban və sakit xarakterlidirlər, həmçinin qida və baxım baxımından asan saxlanılan bir cinsdirlər. Tarix Banker atları sərbəst gəzdikləri üçün tez-tez "vəhşi atlar" adlandırılır. Lakin onlar əhliləşdirilmiş əcdadlardan gəldikləri üçün əslində vəhşi deyil, feral atlardır. Bu atların XVI əsrdə sahil adalarına gəldiyi güman edilir. Mənşəyi ilə bağlı müxtəlif fərziyyələr irəli sürülsə də, hələ ki, tam sübut olunmuş bir nəzəriyyə yoxdur.

İstinadlar

https://breeds.okstate.edu/horses/banker-horses.html

https://www.visitocracokenc.com/ocracoke-banker-ponies/

https://horses.fandom.com/wiki/Banker_Horse

https://www.shutterstock.com/search/bankers-horse

https://www.corollawildhorses.com/shop/the-banker-horses-of-corolla/

https://www.joelsartore.com/ani020-00087/

https://www.pinterest.com/horsebreedindex/banker-horse/

Tarix : 1 mart 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.