Asiya çəhrayı hörücüsü (Leucosticte arctoa) - "Fringillidae" fəsiləsinə aid bir quş növü. Taksonomiya Genetik tədqiqatlar göstərir ki, bu növ üç Amerika növü olan Bozbaş çəhrayı hörücü, Qara çəhrayı hörücü və Qəhvəyi başlı çəhrayı hörücü ilə çox yaxın qohumdur. Bu dörd növ tez-tez eyni növ kimi qəbul edilir. Yarımnövlər -L. a. arctoa – Rusiya Altayı. -L. a. brunneonucha – Şərqi Sibir dağları (Lena çayından Kamçatka və Kuril adalarına qədər). -L. a. cognata – Sayan dağları və Rusiya-Monqolustan sərhədinə bitişik dağlar. -L. a. gigliolii – Baykal gölünün şimalındakı dağlar (Yablonov dağlarına qədər). -L. a. sushkini – Şimali Monqolustan (Xanqay regionu). Təsvir Asiya çəhrayı hörücüsü qəhvəyi rəngli, möhkəm bədənli bir quşdur. Növün əksər arealında erkək fərdlər qara üz və boğaz, çəhrayı rəngli qanadlar və yanlarla fərqlənir. Lakin Yakut yarımnövü bu nümunədən fərqlənir və daha tünd qəhvəyi qanadlara malikdir, çəhrayı rəng izi yoxdur. Dişi fərdlər çəhrayı rəngdən məhrumdur və erkəklərə nisbətən üz və boğazda daha açıq rəngə malikdirlər. Ekologiya Yay aylarında quş dağlıq ərazilərdə, ağac xəttindən yuxarıda qayalıq tundralarda müşahidə edilir. Əsasən toxum, tumurcuq və zoğlarla, həmçinin onurğasız heyvanlarla qidalanır. Çoxalma biologiyası haqqında məlumat azdır və az sayda yuva tapılmışdır. İyun və avqust ayları arasında, ən soyuq ərazilərdə iyul ayında çoxalır. İldə 1 dəfə bala yetişdirir və tək-tək və ya sərbəst koloniyalarda çoxalır. Növ həm miqrant, həm də qismən miqrant hesab olunur.
https://www.birdgenoscape.org/rosy-finches/
https://uk.inaturalist.org/taxa/9614-Leucosticte-arctoa
https://www.oiseaux.net/birds/asian.rosy.finch.html
https://xeno-canto.org/species/leucosticte-arctoa
https://birdsoftheworld.org/bow/species/asrfin1/cur/introduction
https://finchnetwork.org/species/rosy-finches/asian-rosy-finch
https://animalia.bio/asian-rosy-finch#google_vignette
https://www.shanghaibirding.com/birds-of-china/asian-rosy-finch/
https://www.worldlifeexpectancy.com/bird-life-expectancy-asian-rosy-finch
https://dibird.com/species/asian-rosy-finch/
https://siberia.russia.birding.day/v2photo.php?l=en&s=056202471&n=1&t=608&si=sib
https://en.wikipedia.org/wiki/Asian_rosy_finch
Tarix : 3 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
