Boz-mavi sümbül makavı(lat. Anodorhynchus glaucus) — tutuquşular fəsiləsinə aid, Cənubi Amerikada yayılmış və hazırda ehtimalən nəsli kəsilmiş hesab edilən quş növüdür. Növ Argentina, Braziliya, Paraqvay və Uruqvay ərazilərində yayılmışdır. Bədəninin uzunluğu təxminən 65–75 sm, quyruğunun uzunluğu isə 37 sm olmuşdur. Lələkləri mavi və boz-yaşıl çalarlarda, başı isə boz rəngdədir. Boz-mavi sümbül makavının əsas qidasını qozlar və digər bitki mənşəli qidalar təşkil edir. Növün yaşayış mühitlərinin meşələrin qırılması və ərazilərin kənd təsərrüfatına cəlb edilməsi nəticəsində ciddi şəkildə azalması onun yoxa çıxmasına səbəb olan əsas amillərdən hesab edilir. XX əsrin əvvəllərindən sonra növün etibarlı müşahidələrinin olmaması səbəbindən onun hazırkı statusu mübahisəli olaraq qalır. Təsviri və həyat tərzi Boz-mavi sümbül makavı təxminənə 68-72 sm uzunluğuna sahib iri tutuquşudur. Bədəni əsasən açıq mavi rəngdə, başı isə boz çalarda olmuşdur. Göz ətrafındakı tüksüz sahə sarı, dimdiyi isə tünd boz-qara rəngdədir. Boz-mavi sümbül makavı-Video Yayılması və yaşayış mühiti Boz-mavi sümbül makavının tarixi arealı Cənubi Amerikanın cənub hissəsini əhatə edir. Növ əsasən Paraqvayın cənubu, Argentinaın şimal-şərqi, Uruqvayın qərbi və Braziliyaın cənubunda yayılmışdı. Yaşayış mühiti subtropik çaykənarı meşələri, qayalıq sahələri və palma ağacları ilə zəngin seyrək meşəliklərdən ibarətdir. Çay sahillərindəki dik torpaq və qayalıqlarda yuva qurur, bəzi hallarda isə ağac koğuşlarından istifadə etdiyi bildirilir. Nəsli kəsilmə təhlükəsi Boz-mavi sümbül makavının sayı XIX əsrdə əhəmiyyətli dərəcədə azalmışdır. Əsas təhlükələr arasında yaşayış mühitinin məhv edilməsi, palma meşələrinin kənd təsərrüfatı və maldarlıq üçün təmizlənməsi, həmçinin quşların tutulması və ev heyvanı ticarəti üçün ovlanması göstərilir. ↑ "Parrots, cockatoos – IOC World Bird List". www.worldbirdnames.org. İstifadə tarixi: 31 avqust 2026. ↑ "Spix's Macaw extinction confirmed". BirdLife International (ingilis). 5 sentyabr 2018. İstifadə tarixi: 31 avqust 2026. ↑ "Glaucous Macaw". Glaucous Macaw. (#archive_missing_date) tarixində arxivləşdirilib. ↑ "Glaucous Macaw | World Parrot Trust". parrots.org. İstifadə tarixi: 31 avqust 2026. ↑ "Glaucous Macaw | World Parrot Trust". parrots.org. İstifadə tarixi: 31 avqust 2026. ↑ "Glaucous Macaw | World Parrot Trust". parrots.org. İstifadə tarixi: 31 avqust 2026. ↑ "Spix's Macaw extinction confirmed". BirdLife International (ingilis). 5 sentyabr 2018. İstifadə tarixi: 31 avqust 2026.

İstinadlar

https://az.wikipedia.org/wiki/Boz-mavi_s%C3%BCmb%C3%BCl_makav%C4%B1

https://www.worldbirdnames.org/bow/parrots/

https://www.birdlife.org/news/2018/09/05/spixs-macaw-heads-list-first-bird-extinctions-confirmed-this-decade/

https://www.iucnredlist.org/species/22685527/154380861

https://parrots.org/?ee_search_query=%7B%22s%22:%22Glaucous+Macaw%22%7D&s=Glaucous+Macaw

https://parrots.org/encyclopedia/glaucous-macaw/

Tarix : 31 avqust 2026