Petrosaurus mearnsi - Həmçinin zolaqlı qaya kərtənkələsi kimi tanınan Phrynosomatidae fəsiləsinə aid olan bir kərtənkələ növü. Bu növ Şimali Amerikanın qərb hissəsinə məxsusdur. Etimologiya Növün xüsusi adı olan mearnsi, ilk nümunələri toplayan amerikalı təbiətşünas Edgar Aleksandr Mernsin şərəfinə verilmişdir. Coğrafi yayılması P. mearnsi Kaliforniyanın cənub ucqarı və Meksikanın Baja Kaliforniya bölgəsinə endemikdir. Həmçinin Isla El Muerto adasında da tapılır. Təsvir P. mearnsi son dərəcə yastı bədənli bir kərtənkələdir. Bel hissəsi zeytun, qəhvəyi və ya boz rəngdə olub, ağ və ya mavi ləkələrə malikdir. Tək bir qara boyun zolağı, zolaqlı quyruğu və bədənində xırda pulcuqları var. Quyruğunda və ətraflarında dişli pulcuqlar mövcuddur. Fərdlərin burun-dəlik uzunluğu 6,2–8,7 sm (2,4–3,4 düym) arasında dəyişir. Erkəklər dişilərdən daha parlaq boğaz naxışları və daha canlı mavi rəngə malikdir. Yaşayış yeri P. mearnsi qayalıq yamaclar ilə əlaqələndirilir. Baja Kaliforniyada çapara və şam-ardıc meşələrinə qədər yayılmışdır. Qidalanma P. mearnsi hər şey yeyən (omnivor) bir növdür. Təkcə həşərat və hörümçəklərlə deyil, həmçinin tumurcuq və çiçəklərlə də qidalanır. Çoxalma P. mearnsinin yumurta qoyan dişiləri iyundan avqusta qədər yumurta qoyur. Bir dəfəyə 2–6 yumurta qoya bilər.
https://californiaherps.com/lizards/pages/p.mearnsi.html
https://www.phenome10k.org/petrosaurus-mearnsi
https://uk.inaturalist.org/taxa/36336-Petrosaurus-mearnsi
https://reptile-database.reptarium.cz/species?genus=Petrosaurus&species=mearnsi
https://animalia.bio/index.php/banded-rock-lizard
https://nrm.dfg.ca.gov/FileHandler.ashx?DocumentID=2703
https://en.wikipedia.org/wiki/Petrosaurus_mearnsi
Tarix : 22 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
