Zınqıldayan pazdimdik (Psophodes occidentalis) - Bəzən zınqıldayan qamçıquşu kimi də, adlandırılan, "Psophodidae" fəsiləsinə aid bir quş növü. Ümumi məlumat Bu növ yalnız Avstraliyada rast gəlinir. Zınqıldayan pazdimdik və cırıldayan pazdimdik (Psophodes occidentalis) bir zamanlar eyni növ hesab olunurdu, lakin 1973-cü ildə onların çağırışları arasında əhəmiyyətli fərqlər olduğu üçün ayrı növlər kimi təsnif edildi. Bu quşun səsi 4–6 enən notdan ibarətdir və yüksək zınqıltıya bənzəyir. Son not vurğulanır və "did-you-get-drunk" (sərxoş oldunmu?) və ya "sweet-kitty-Lintorf" (şirin pişik Lintorf) kimi şərh olunur. Dişi və erkək fərdlərin eyni səsi çıxardığı ilə bağlı heç bir sənədli məlumat yoxdur. Yarımnövlər Zınqıldayan pazdimdik tək növdür. Təsvir Erkək zınqıldayan pazdimdik 38–45 qram, dişi isə 30–36 qram ağırlığındadır. Sinəsi irəli əyilmişdir və bütün üst bədəni tünd boz-qəhvəyi rəngdədir, qanadları daha tünd rəngdədir. Quyruğu da tünd boz-qəhvəyi rəngdədir, lakin quyruq ucunda qara ləkə var. Quyruqda ağ uclu mərkəzi cüt lələklər var. Çənə, boğaz və qarın hissəsi boz-ağ rəngdədir, qarın və sinə yanları isə boz-qəhvəyi rəngdədir ("üst hissələrlə zəif ziddiyyət təşkil edir"). Quyruqaltı örtükləri qəhvəyi, gözləri tünd qəhvəyi, dimdiyi qara, ayaqları isə tünd boz rəngdədir. Dişi və erkək fərdlər görünüş etibarilə eynidir. Cavan fərdlər yetkinlərə bənzəyir, lakin rəngləri bir qədər açıqdır, "lələkləri daha tüklü, ikinci dərəcəli lələkləri və qanad örtükləri açıq darçın rəngli kənarlara malikdir, dimdiyi açıq rəngdədir; yarımcavan fərdlər də yetkinlərə bənzəyir, lakin dimdiyi qəhvəyi rəngdədir, ikinci dərəcəli lələklərin və qanad örtüklərinin kənarları daha açıq rəngdədir". Yaşayış mühiti Zınqıldayan pazdimdik Avstraliyanın qərb və şimal hissələrində, Kvinslandın qərb tərəfindən Avstraliyanın şimal-qərb və cənubuna qədər yayılmışdır. Bu quşun miqrasiya etdiyi qeydə alınmayıb və əsasən quru ərazilərdə qalaraq yerli regionlarda hərəkət edir. Qorunma Zınqıldayan pazdimdik növü "Zəif" kimi qiymətləndirilmir, çünki yayılma sahəsi çox genişdir və populyasiya azalmasına baxmayaraq, bu azalma sürəti təhlükə altında olmaq üçün kifayət deyil. Yaşadığı mühit dəyişsə də, bu dəyişikliklər növü zəif vəziyyətə salmaq üçün kifayət qədər ciddi deyil. Populyasiyanın dəqiq ölçüsü məlum olmasa da, kifayət qədər böyükdür və nəslinin kəsilməsi ilə bağlı narahatlıq yaranmır. Əsasən, növün yayılma sahəsi, populyasiya azalması və ölçüsü təhlükəli və ya zəif kimi qiymətləndirilmək üçün kifayət qədər ekstremal deyil. Qidalanma Zınqıldayan pazdimdikin qidalanması ilə bağlı yalnız həşəratlar və yerdən topladığı toxumlarla qidalandığı qeyd edilmişdir.
https://en.wikipedia.org/wiki/Chiming_wedgebill
https://ebird.org/species/chiwed1
https://xeno-canto.org/species/Psophodes-occidentalis
https://datazone.birdlife.org/species/factsheet/chiming-wedgebill-psophodes-occidentalis
https://birdsoftheworld.org/bow/species/chiwed1/cur/introduction
https://www.sharkbay.org/publications/fact-sheets-guides/chiming-wedgebill/
https://www.inaturalist.org/taxa/117076-Psophodes-occidentalis
https://xeno-canto.org/species/Psophodes-occidentalis?view=3
https://birdsoftheworld.org/bow/species/chiwed1/cur/introduction?lang=es&media=photos
Tarix : 22 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
