Zərif bildirçin ("Callipepla douglasii") - Meksikanın şimal-qərbində, Sonoranın cənubundan, Nayarita qədər olan Sakit okean yamacındakı tikanlı meşələrə endemik olan, "Yeni Dünya2 bildirçin növü. Ümumi məlumat Bu quşlar əsasən yerə yaxın yaşayan ümumi növlərdir və "Beynəlxalq Təbiəti Mühafizə İttifaqı" (IUCN) tərəfindən "ən az narahatlıq doğuran növ" kimi qiymətləndirilmişdir. Təsvir Zərif bildirçin təxminən 25 sm (10 inç) uzunluğa qədər böyüyür. Erkək fərdlərin xarakterik uzun, düz, qızılı-bej rəngli kəkili var (dişi fərdlərin kəkili boz rəngdədir). Digər cəhətlərdən erkək və dişi fərdlər oxşar görünüşə malikdir: əsasən boz rəngdə olub, qara, qəhvəyi və ağ ləkələr və zolaqlarla örtülüdür. Erkəklərdə həmçinin qırmızı-qəhvəyi ləkələr də var. Dimdiyi qara, gözləri qəhvəyi, ayaqları isə tünd bozdan qaraya qədər dəyişir. Bu quş, oxşar görünüşlü "pulcuqlu bildirçin" ("C. squamata"), "Kaliforniya bildirçini" ("C. californica") və "Qambel bildirçini"ndən ("C. gambelii") erkək fərdlərin kəkil rəngi və yan tərəflərdəki daha açıq ləkələrlə fərqlənir. Səsləri arasında gündüz vaxtı qida axtararkən qrup üzvlərinin bir-biri ilə əlaqə saxlamaq üçün istifadə etdiyi "çip-çip" səsi və axşam vaxtı yuxu yerində toplaşarkən, həmçinin səhər yemək axtarmağa başlamazdan əvvəl səsləndirdiyi "ku-kau" səsi var. Yayılması və yaşayış mühiti Zərif bildirçin yalnız Meksikada, Sakit okean yamacında, Sierra Madre Occidental dağlarında 1,000 m (3,300 fut) yüksəkliyə qədər olan ərazilərdə tapılır. Onların yayılma sahəsi Sonora və cənub-qərbi Çihuahudan şimali Xaliskoya qədər uzanır və adətən tikanlı kolluqlar, tökülən yarpaqlı meşələr, açıq ərazilər və əkin sahələrində rast gəlinir. Narahat olduqda ya hərəkətsiz qalır, ya da kolluqlar arasında qaçır, yalnız çox zərurət olduqda uçur. Status Zərif bildirçin geniş yayılma sahəsinə malikdir və yaşadığı ərazinin sahəsi təxminən 118,000 km² (45,560 kv. mil) təşkil edir. Bu quş ümumi bir növ hesab olunur və meşələrin pozulması nəticəsində yaranan açıq ərazilərdə populyasiyasının artdığı güman edilir. "Beynəlxalq Təbiəti Mühafizə İttifaqı" onun qorunma statusunu "ən az narahatlıq doğuran" kimi qiymətləndirmişdir.

İstinadlar

https://en.wikipedia.org/wiki/Elegant_quail

https://www.inaturalist.org/taxa/1415-Callipepla-douglasii

https://birdsoftheworld.org/bow/species/elequa/cur/introduction?printable

https://ebird.org/species/elequa

https://birdsoftheworld.org/bow/species/elequa/cur/introduction?lang=es&media=photos

https://www.whitneycroft.com/product-page/bensons-elegant-quail

https://mainelyquail.weebly.com/elegant-benson-quail.html

https://www.oiseaux.net/birds/elegant.quail.html

Tarix : 26 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.