Yumruquyruq buynuzlu kərtənkələsi (Phrynosoma modestum) - Buynuzlu kərtənkələlərin daha kiçik növlərindən biri. Onların xüsusi epiteti olan modestum, latın sözü olub "təvazökar" və ya "sakit" mənasını verir. Bu növ ABŞ-da, qərbi Texas, Nyu-Meksiko, şərqi Arizona, cənub-şərqi Kolorado və Meksikanın şimal-mərkəzində yerləşən səkkiz ştatda tapılır. Meksikada onlara "tapayaxtin" deyilir. Yaşayış yeri Yumruquyruq buynuzlu kərtənkələləri əsasən qayalı və qumlu, seyrək bitki örtüyü olan yarı-quru mühitləri üstün tutur. Onlar əsasən biçinçi qarışqa və xüsusilə bal qarışqa koloniyalarının yaxınlığında yaşayır, çünki bu qarışqalar onların əsas qidasıdır. Təsvir Yumruquyruq buynuzlu kərtənkələlərinin rəngi adətən yaşadıqları ərazinin torpaq rəngini əks etdirir. Əksəriyyəti vahid boz rəngdə olsa da, açıq qəhvəyi və ya solğun sarı rəngdə də ola bilər. Tez-tez boyun və qasıq ətrafında tünd rəngli sahələr və bəzən də quyruqda zolaqlar müşahidə edilir. Onlar qısa, yastı, yumru bədənli, qısa ətraflı və kiçik başlı kərtənkələlərdir. Başlarında demək olar ki, eyni uzunluqda buynuzlardan ibarət xarakterik bir tac var. Digər buynuzlu kərtənkələlərdən fərqli olaraq, onların yan tərəflərində pulcuq kənarları yoxdur və kölgələrini yox etmək üçün özlərini yerə yapışdırmırlar. Əvəzində, kamuflyaj üçün bədənlərini qaya formasına salırlar və cəsarətlə kölgə yaradırlar. Onların maksimum ölçüsü burun-dəlik uzunluğu 7 sm (2,7 düym), ümumi uzunluq isə 10,5 sm (4,3 düym) təşkil edir. Çoxalma Yumruquyruq buynuzlu kərtənkələləri yumurta qoyan (ovipar) canlılardır. Yayın əvvəlində çoxalır və yumurta qoyurlar.

İstinadlar

https://www.inaturalist.org/taxa/36306-Phrynosoma-modestum

http://www.coparc.org/round-tailed-horned-lizard.html

https://cpw.state.co.us/species/round-tailed-horned-lizard

https://www.richleighton.com/round-tail-horned-lizard/

https://explorer.natureserve.org/Taxon/ELEMENT_GLOBAL.2.104144/Phrynosoma_modestum

http://www.wildherps.com/species/P.modestum.html

https://en.wikipedia.org/wiki/Roundtail_horned_lizard

Tarix : 22 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.