Yaşıl-qara meyvəyeyən (Pipreola riefferii) - "Cotingidae" fəsiləsinə aid bir quş növü. Ümumi məlumat Kolumbiya, Ekvador, Peru və Venesuelada yayılmışdır və yaşayış mühiti subtropik və ya tropik rütubətli dağ meşələridir. Yayılma arealı və populyasiya ölçüsü nəzərə alınaraq bu növ, təhlükə altında olan növlər siyahısına daxil edilməmişdir. Təsvir Yaşıl-qara meyvəyən təxminən 18 sm (7 düym) uzunluğunda kök, möhkəm bədənli bir quşdur. Yetkin erkək fərdlərin başı, boğazı və döşü qara rəngdədir və yaşıl parıltılıdır, üst hissələri orta yaşıl rəngdədir, qanadların tərtiar lələklərinin ucları açıq rəngdədir. Qara döş hissəsinin ətrafında sarı zolaq var, alt hissələri isə əsasən sarımtıl rəngdədir və adətən yaşıl ləkələr və ya zolaqlarla örtülüdür. Dişi fərdlər erkəklərə bənzəyir, lakin qara hissələr yaşıl ilə əvəz olunur və sarı boyunbağı yoxdur. Hər iki cinsdə gözün iris hissəsi qırmızı-qəhvəyi, ayaqlar və dimdik isə narıncı-qırmızı rəngdədir. Yayılması və yaşayış mühiti "P. riefferii", Cənubi Amerikanın And dağlarının şərq tərəfindəki aşağı və orta dağ meşələrində yaşayır. Yayılma arealı cənubi Venesueladan şimali Peruyə qədər uzanır və dəniz səviyyəsindən 1500-2700 metr (4900-8900 fut) yüksəklikdə tapılır. Bu növ digər meyvəyənlərə nisbətən daha çox kiçik sürülər halında müşahidə edilir. Status Nisbətən az rast gəlinən yaşıl-qara meyvəyən çox geniş yayılma arealına malikdir. Populyasiya ölçüsü rəqəmsal olaraq qiymətləndirilməsə də, sabit görünür və "Beynəlxalq Təbiətin Mühafizəsi İttifaqı" (IUCN) tərəfindən "ən az narahatlıq doğuran" kimi qiymətləndirilmişdir.
https://ebird.org/species/gabfru1
https://xeno-canto.org/species/pipreola-riefferii
https://datazone.birdlife.org/species/factsheet/green-and-black-fruiteater-pipreola-riefferii
https://en.wikipedia.org/wiki/Green-and-black_fruiteater
https://www.inaturalist.org/taxa/8762-Pipreola-riefferii
https://birdsoftheworld.org/bow/species/gabfru1/cur/introduction
https://avibase.bsc-eoc.org/species.jsp?avibaseid=FCFD16887C5B0515
https://www.oiseaux.net/birds/green-and-black.fruiteater.html
Tarix : 28 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
