Yaşıl heron (lat. Butorides virescens) - Şimali və Mərkəzi Amerikaya məxsus kiçik bir heron növü. "Butorides" sözü ingilis dilindəki "butor" (bittern) və qədim yunan dilindəki "oides" (oxşayan) sözlərindən əmələ gəlmiş, "virescens" isə latınca "yaşılmtıl" mənasını verir. Yaşıl heron qərbi Avropaya çox nadir miqrant kimi gəlir. Məsələn, 2018-ci ildə Pembrokşirdə qeydə alınan müşahidə, Uelsdə ikinci dəfə qeydə alınan yaşıl heron müşahidəsi idi. Şimali Amerikanın Sakit Okean sahilindən gələn fərdlər isə Havai adalarına qədər gedirlər. Xüsusiyyətlər Yaşıl heron nisbətən kiçikdir. Yetkinlərin bədən uzunluğu təxminən 44 sm-dir. Boyun bədənin qarşısına sıx çəkilir. Yetkinlərdə parlaq yaşıl-qara bir baş örtüyü, yaşılmtıl bir arxa və qanadlar, qara-boz rəngdən yaşıl və ya mavi tonlarına keçən qanadlar, sinədə ağ bir xətt olan qəhvəyi boyun, boz alt hissə və qısa sarı ayaqlar mövcuddur. Uzun və kəskin uclu dimdiyi var, dişilər adətən erkəklərdən kiçikdir və xüsusilə yuvaya girdikləri dövrdə daha solğun və açıq rəngdə tüklərə sahib olurlar. Cavan yaşıl heronlar daha solğun rəngdədir; baş tərəfləri, boynu və alt hissələri qəhvəyi-ağ ləkəli, arxa və qanad örtükləri sarımtıl-qəhvəyi və yaşılmtıl sarı ayaqlar.Yumurtadan çıxmış körpələr, üst tərəfləri açıq boz, qarın hissəsi isə ağ rəngli yumuşaq tük örtüyü ilə örtülüdür. Yaşıl heronun adi vəziyyətdə səsi yüksək və ani bir "kyow" səsindən ibarətdir.Bəzən bir sıra daha səssiz "kuk" səsləri də çıxarırlar. Cütləşmə dövründə erkək geniş açılmış damağı ilə "raah-rahh" səsləri verir, qanadlarını səsli şəkildə çırpar və uçarkən "whoom-whoom-whoom" səsləri çıxarır, bəzən isə yenidən enərkən dişiyə "roo-roo" deyir. Yuvada olduqda isə "aaroo-aaroo" cütləşmə səsi eşidilir. Boyu 41-46 sm, çəkisi 240 qr, uçuş zamanı qanadlarının genişliyi 64–68 sm-dir. Alt növlərin ayrılması hələ də qeyri-müəyyəndir. Növlər arasında rəng fərqlilikləri, eyni növün fərdi xüsusiyyətlərə mail olması ayrılma prosesini çətinləşdirir. Miqrasiya edən növlərin qanadları digərləri ilə müqayisədə daha uzun olsa da, bu, alt növləri müəyyənləşdirmək üçün istifadə oluna bilməz, çünki bu fərqlilik, sadəcə, fərqli davranışlar nəticəsində baş verir. Buna görə də, alt növlərin ayrılmasını müəyyən etmək üçün geniş molekulyar fitogenetik araşdırmalar aparılmalıdır. Ekologiya Yaşıl heron, çay kənarları, bataqlıqlar, gölməçələr və göllər kimi yaşayış yerlərində tapıla bilər. İnsan tərəfindən yaradılmış kanallar və arxlar da onların yaşama sahələrinə daxildir. Yaşıl heronlar gündüz və ya gecə ovlamaqda heç bir xüsusi seçim göstərmirlər, çox vaxt hər ikisini də edirlər. Sahil boyunca yaşayan fərdlər isə dalğaların ritminə uyğunlaşırlar. Onlar əsasən kiçik balıqlar, qurbağalar və su həşəratları ilə qidalanır.Yaşıl heronlar başqa quşlarla, hətta öz növləri ilə belə yemək vaxtı bir arada görünmürlər. Onlar adətən sahildə və ya alçaq suda dura-dura ov edirlər və ovu tutmaq üçün qısa müddətə havada da süzüla bilirlər. Yaşıl heronların ovladığı heyvanları və ya digər qidalar istifadə edərək "tələ balıqçılığı" etdikləri müşahidə olunub. Qışlamağa köç edənlər, adətən mart və aprel aylarında cütləşmə sahələrinə hərəkət edirlər. Şimalda, bu heronların cütləşmə dövrü mayın sonlarına qədər başlayır. Yaşıl heronlar alət istifadə edən az sayda quş növündən biridir. Xüsusilə, onlar tez-tez çörək qabıqları, həşəratlar və ya digər əşyaları balıq tələsi kimi istifadə edirlər. Bu alət, suyun üzərinə atılaraq balığı cəlb edir və balıq yaxınlaşdıqda, yaşıl heron onu tutub yeyir.
https://en.wikipedia.org/wiki/Green_heron
https://a-z-animals.com/animals/green-heron/
https://ebird.org/species/grnher
https://www.allaboutbirds.org/guide/Green_Heron/id
https://animaldiversity.org/accounts/Butorides_virescens/
https://www.britannica.com/animal/green-heron
https://www.audubon.org/field-guide/bird/green-heron
https://ohiodnr.gov/discover-and-learn/animals/birds/green-heron
https://www.inaturalist.org/taxa/5020-Butorides-virescens
https://www.tn.gov/twra/wildlife/birds/waterbirds/green-heron.html
https://www.earthtracks.ca/green-herons-at-pine-river-fishing-sanctuary/
https://tucsonaudubon.org/bird_profile/green-heron/
Tarix : 21 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
