Yarımada yarpaqayaq gekosu (Phyllodactylus nocticolus) - Orta ölçülü bir gekko növü. Bu növ Cənubi Kaliforniya (ABŞ) və Aşağı Kaliforniya (Meksika) ərazilərində, o cümlədən Kaliforniya körfəzindəki bir çox adada və Aşağı Kaliforniyanın qərb sahilindəki Magdalena və Santa Marqarita adalarında tapılır. Yaşayış mühiti Yarımada yarpaqayaq gekkosu səhra kolları və böyük açıq qayalıq ərazilərdə yaşayır. Onların yayılma sahəsinə baxdıqda görərik ki, Kaliforniyanın yalnız kiçik bir hissəsində yaşayırlar. Sərhəddən başlayaraq Anza-Borrego Səhra Dövlət Parkı boyunca və Palm Springs-in şimalına qədər olan ərazilərdə çoxsaylı tapılmışdır. Kaliforniyanın yalnız kiçik bir hissəsində yaşasalar da, Aşağı Kaliforniya yarımadası boyunca geniş yayılmışdırlar. Səhra çaparalı ərazilərdə yaşayırlar və kiçik yarıqlarda və ya böyük çılpaq qayalarda tapıla bilərlər. Davranış Yarımada yarpaqayaq gekkosu gecə həyat tərzi keçirir, buna görə də ən çox gecə vaxtı tapılır. Gecələr tez-tez qayaların üzərində gəzərkən, gündüzlər isə qaya plitələrinin altında və ya yarıqlarda tapıla bilər. Nadir hallarda bitki maddələrinin altında da tapıla bilər. Kiçik onurğasız heyvanları, o cümlədən güvələr, hörümçəklər və daha çoxunu ovlayır və yeyir. Əsasən qayalar üzərində qidalandıqları müşahidə edilsə də, yerdə və bitkilər ətrafında da ovlandıqları görülmüşdür. Qorunma statusu Bu növ Kaliforniya ərazisində nəsli kəsilmək təhlükəsində olan növlər siyahısına daxil edilməmişdir. Bu, yəqin ki, onların insan fəaliyyətinin az olduğu və ya heç olmadığı ərazilərdə yaşaması ilə əlaqədardır. İnsanlar onların yaşayış mühitinə yavaş-yavaş yayıldıqda, bu növün yaşaması çətinləşə bilər.
https://californiaherps.com/lizards/pages/p.nocticolus.html
https://animalia.bio/peninsula-leaf-toed-gecko
https://www.geckoweb.org/peninsular-leaf-toed-gecko.html
https://www.inaturalist.org/taxa/237918-Phyllodactylus-nocticolus
https://herpatlas.sdnhm.org/species/overview/peninsular-leaf-toed-gecko/66/
https://www.herpedia.com/lizards/gekkonidae/peninsula-leaf-toed-gecko.php
https://en.wikipedia.org/wiki/Peninsula_leaf-toed_gecko
Tarix : 22 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
