Westerkerk kilsəsi (Holland dilində tələffüz: [ˈʋɛstərˌkɛr(ə)k]; ingiliscə: Qərb Kilsəsi) - Niderlandın Amsterdam şəhərinin mərkəzində yerləşən Holland Protestant Kalvinizminə aid Reformasiya kilsəsi. Kilsə, Grachtengordel məhəlləsinin (Mərkəz rayonu) ən qərb hissəsində, Jordaan'ın yanında, Prinsengracht və Keizersgracht arasında yerləşir. Tarix Westerkerk, memar Hendrick de Keyser'in dizaynı əsasında 1620-1631-ci illər arasında İntibah üslubunda inşa edilmişdir. Hendrick de Keyser, daha əvvəl dizayn etdiyi Zuiderkerk kilsəsində dəfn edilmişdir. Westerkerk'in tikintisi onun oğlu Pieter de Keyser tərəfindən tamamlanmış və 8 iyun 1631-ci ildə təqdis edilmişdir. Kilsənin uzunluğu 58 metr (190 fut), eni isə 29 metr (95 fut) təşkil edir. Yüksək nef, iki aşağı yan neflə əhatə olunmuşdur. Üç nefli bazilika, eyni ölçülü iki transepti olan düzbucaqlı plana malikdir. Nəticə etibarilə, bu kilsənin planı bir-birinə bağlanmış iki Yunan xaçı formasını almışdır (patriarxal xaç). Əsas Duyschot orqanı Westerkerk, 8 iyun 1631-ci ildə Müqəddəs Ruh günündə təqdis edildiyi zaman orqan yox idi, çünki o dövrdə Kalvinist inancına görə kilsədə instrumental musiqi dünyəvi hesab olunurdu. Orqanın icazə verilməsi üçün uzun illər müzakirələr aparıldı. Əvvəlcə Nieuwe Kerk və ya Oude Kerk'da istifadə edilən kiçik orqanın (koororgel) köçürülməsi düşünülsə də, Oude Kerk xor orqanının boruları nəhayət Zuiderkerk'ə köçürüldü. 1681-ci ildə Westerkerk, yeni bir orqanın inşası üçün orqan ustası Roelof Barentszn Duyschot'a sifariş verməyə qərar verdi. Roelof Barentszn Duyschot orqan tamamlanmadan əvvəl vəfat etdi. Onun oğlu sifarişi 1686-cı ildə tamamladı. Daha sonra, 1727-ci ildə, Arp Schnitger'dən peşə öyrənən Christiaan Vater tərəfindən konsola üçüncü bir manual əlavə edildi. Orqanın rəsmləri Orqanın qapılarının daxili hissəsi Gerard de Lairesse tərəfindən boyanmışdır. Sol paneldə Kral Davudun Əhd Sandığı qarşısında rəqs edərək və çalaraq təsvir edildiyini görürük. Sağ paneldə isə Səba Kraliçasının Kral Süleymana hədiyyələr təqdim etdiyi təsvir olunmuşdur. Hər iki hekayə Bibliyanın Əhdi-Ətiqdəki "Padşahlar" kitabında yer alır. Gerard de Lairesse 1640-cı ildə Fransa Belçikasının Liège şəhərində anadan olmuş və 1664-cü ildə Amsterdama köçmüşdür.

İstinadlar

https://www.amsterdam.info/westerkerk/history/

https://westerkerk.nl/tourist-information-westerkerk-amsterdam/

https://www.amsterdam.info/westerkerk/

https://www.iamsterdam.com/en/whats-on/calendar/attractions-and-sights/sights/westerkerk

https://www.myamsterdampass.com/westerkerk-church

https://www.amsterdamsights.com/attractions/westerkerk.html

https://www.nomadwomen.com/tower-of-the-amsterdam-westerkerk/

Tarix : 16 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.