Ulduz çiçəkləri (Calytrix) - Avstraliyaya məxsus olan, Myrtaceae (Mərsinkimilər) fəsiləsinə aid təxminən 83 növdən ibarət çiçəkli bitkilər cinsi. Təsviri Calytrix cinsinə aid bitkilər cırtdandan tutmuş böyük ölçülü kollara qədər müxtəliflik göstərir. Yarpaqlar üst-üstə düşən və ya aralı yerləşmiş olur, lakin bitkilərdə əlavələr (stipulalar) ya olmur, ya da çox kiçikdir. Çiçəklər yarpaq qoltuqlarında tək-tək yerləşir və əsasında iki kiçik yarpaqcıq (brakteol) olur. Çiçək borusu adətən uzun və boru formasında olub, sonunda uzun qılcıq olan 5 üst-üstə düşən sepaldan ibarətdir. Ləçəklər lansetvari və ya elliptik formadadır, bir-birindən ayrıdır və çiçək inkişaf etdikcə tökülür. Erkəkciklər bir və ya bir neçə sıra şəklində yerləşən çox saydadır. Meyvə isə tək toxumlu kiçik, quru qoz tipindədir. Taksonomiyası İlk dəfə rəsmi olaraq 1806-cı ildə Jak Labillardière tərəfindən Novae Hollandiae Plantarum Specimen adlı əsərində təsvir edilmişdir. Onun təsvir etdiyi ilk növ (tip növ) Calytrix tetragona olmuşdur. Cinsin adı olan Calytrix "çəçək tacının tükü" mənasını verir və bu, sepalların qılcıqlarına işarə edir. Yayılması Calytrix bitkiləri Kvinslend və Cənubi Avstraliyada rast gəlinir, lakin növlərinin əksəriyyəti Qərbi Avstraliyanın cənub-qərbində yayılmışdır.
https://en.m.wikipedia.org/wiki/Calytrix
https://florabase.dpaw.wa.gov.au/browse/profile/21817
https://vicflora.rbg.vic.gov.au/flora/taxon/39d16797-7354-40ef-9c47-1772418fb37a
https://eflora.nt.gov.au/factsheetGenus?id=3751
http://www.flora.sa.gov.au/cgi-bin/speciesfacts_display.cgi?form=speciesfacts&name=Calytrix
https://plantnet.rbgsyd.nsw.gov.au/cgi-bin/NSWfl.pl?page=nswfl&showsyn=&dist=&constat=&lvl=gn&name=Calytrix
https://doi.org/10.1071%2FBRU9870001
https://biodiversity.org.au/nsl/services/search/taxonomy?product=APC&tree.id=51209179&name=Calytrix&inc._scientific=&inc.scientific=on&inc._cultivar=&max=100&display=apc&search=true
Tarix : 5 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
