Tungara qurbağası (Engystomops pustulosus) - Leptodactylidae fəsiləsinə aid bir qurbağa növüdür. Bu kiçik, gecə fəal qurbağa Meksika, Mərkəzi Amerika və Cənubi Amerikanın şimal-şərq regionlarında tapılır. Tungara qurbağası erkək-dişi qarşılıqlı əlaqələrdə maraqlı davranış nümayiş etdirir. Erkəklərin səs çıxarması dişilərin cütləşmə seçimində mühüm rol oynayır və dişilər tez-tez daha aşağı tezlikdə mürəkkəb cütləşmə çağırışları edən erkəkləri üstün tutur. Bu uzaq məsafəli səs çıxarma, tungara qurbağalarının əsas cütləşmə davranışıdır və qurbağanın qırtlağında yerləşən lifli bir kütlə tərəfindən yaradılır. Tungara qurbağası həmçinin tarantulalarla qarşılıqlı faydalı bir əlaqəyə malik ola bilər, burada tarantulalar yırtıcılara qarşı müdafiədə iştira k edir, qurbağalar isə tarantula yumurtalarını qoruyur. Tungara qurbağalarının yırtıcılardan qorunmaq üçün fərqli rənglənməsi var. Təsvir Engystomops pustulosus kiçik bir qurbağa növüdür və uzunluğu 25-35 mm (1,0-1,4 düym) arasında dəyişir. Timpan (qulaq pərdəsi) görünmür və bel tərəfi kiçik siyiklərlə örtülüdür. Bu siyiklər səbəbindən əvvəllər tungara qurbağaları Bufo cinsinə aid quru qurbağaları kimi səhvən təsnif edilmişdir. Gözlər nisbətən böyük və çıqıqdır. Erkəklərin dişiləri cəlb etmək üçün səs çıxardıqda genişlənən böyük, tünd səs kisələri var. Həm erkəklər, həm də dişilər adətən aşağı dodaqdan boğaza qədər uzanan aydın ağ zolağa malikdirlər. Yaşayış yeri və yayılması Bu növ Meksikadan başlayaraq Mərkəzi Amerikadan şimali Cənubi Amerikaya qədər, Trinidad və Tobaqo, Venesuela və mümkün olaraq Qayana qədər yayılıb. Onun təbii yaşayış yerləri subtropik və ya tropik quru meşələr, quru savanna, rütubətli savanna, subtropik və ya tropik quru düzənlik otlaqları, subtropik və ya tropik mövsümi nəm və ya su basmış düzənlik otlaqları, şirin su bataqlıqları, müvəqqəti şirin su bataqlıqları, otlaq əraziləri, ciddi şəkildə pozulmuş keçmiş meşələr, gölməçələr, kanallar və xəndəklərdir. Ekologiya və qidalanma Engystomops pustulosus gecə fəaldır və gecələr qarışqa və termitlər, həmçinin digər kiçik onurğasızlar (məsələn, ilbizlər, böcəklər, milçəklər və izopodlar) ilə qidalanmaq üçün yarpaq töküntüsü arasında görünür. Çoxalma mövsümündə erkəklər gecələr müvəqqəti gölməçələrdə toplaşır və cütləşmək üçün səs çıxarır. Dişi erkəklərdən birini seçdikdə, su kənarında amplexus baş verir və erkək köpüklü yuva yaradır, yumurtalar bura qoyulur; çömçəquyruqlar suda inkifa edir və təxminən dörd həftə ərzində cavan qurbağalara çevrilir.
https://www.cell.com/current-biology/fulltext/S0960-9822(06)02384-0
https://www.britannica.com/animal/tungara-frog
https://www.sciencedirect.com/topics/agricultural-and-biological-sciences/tungara-frog
https://canopytower.com/tungara-frog/
https://www.inaturalist.org/taxa/65448-Engystomops-pustulosus
https://press.uchicago.edu/ucp/books/book/chicago/T/bo5972893.html
https://en.wikipedia.org/wiki/T%C3%BAngara_frog
Tarix : 5 mart 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
