Tuncqanadlı tutuquşu ("Pionus chalcopterus")-28 sm uzunluğunda orta ölçülü bir tutuquşu növü. Təsvir Tuncqanadlı tutuquşu əsasən tünd rəngdədir, çənəsində ağ ləkə var və üst döş nahiyəsi çəhrayı lələklərlə naxışlanmışdır. Qısa qırmızı alt quyruq lələkləri var. Bel, quyruq və qanadlar tünd mavi rəngdədir, alt qanadları isə daha açıq mavi rəngdədir. Başı tünd mavi-yaşıl rəngdədir; bel, arxa və alt hissələr tünd tunc-yaşıl rəngdədir və bəzi lələklərin ucları mavi, bəzən isə tək-tək qırmızı lələklərlə örtülüdür. Dimdiyi açıq sarı rəngdədir. Yetkin fərdlərdə göz ətrafındakı çılpaq dəri çəhrayı rəngdədir. Cavan fərdlərin göz ətrafındakı halqa ağ rəngdədir və alt hissələri qəhvəyi çalarlıdır. Taksonomiya Bu gün bir çox mütəxəssis bu növü monotipik hesab edir, lakin bəziləri iki yarımnövü tanıyır: -"P. c. chalcopterus": Qərbi Venesuela, şimal və mərkəzi Kolumbiya. -"P. b. cyanescens": Cənub-qərbi Kolumbiya, qərbi Ekvador və şimal-qərbi Peru. Lələklərin mavi kənarları daha geniş, çənə ləkəsi və ətrafındakı halqa daha kiçik və daha az fərqlidir. Yayılması və yaşayış mühiti Tuncqanadlı tutuquşu Venesuelanın qərb hissəsində, qərb və mərkəzi Kolumbiyada, qərbi Ekvador və şimal-qərbi Peruda tapılır. Venesuelada əsasən 900–1400 metr yüksəklikdə, Kolumbiyada əsasən 1400–2400 metr yüksəklikdə (bəzən 2800 metrə qədər), Ekvatorda əsasən 1400 metrdən aşağı və Peruda 800 metrdən aşağı yüksəklikdə rast gəlinir. Ümumiyyətlə meşə və meşəliklərin (həm rütubətli, həm də yarpağını tökən) təbəqəsini üstün tutur, lakin hündür ağacları olan bitişik ərazilərdə də tapıla bilər. Yayılma sahəsinin bəzi hissələrində kəskin miqrasiya edir, lakin bu hərəkətlər (ehtimal ki, yalnız qida mövcudluğu ilə əlaqədar) ümumiyyətlə az öyrənilmişdir. Davranış Adətən cütlüklər və ya on quşdan ibarət kiçik qruplar halında görünür. Tuncqanadlı tutuquşu ağac oyuqlarında yuva qurur. Yumurtalar ağ rəngdədir və adətən bir dəfəyə üç-dörd yumurta qoyulur. Dişi yumurtaları təxminən 26 gün ərzində qızardır və balalar yumurtadan çıxdıqdan təxminən 70 gün sonra yuvadan çıxır.
https://en.wikipedia.org/wiki/Bronze-winged_parrot
https://ebird.org/species/brwpar1
https://www.thesprucepets.com/bronze-winged-pionus-as-pets-390889
https://www.parrots.org/encyclopedia/bronze-winged-parrot
https://datazone.birdlife.org/species/factsheet/bronze-winged-parrot-pionus-chalcopterus
https://avibase.bsc-eoc.org/species.jsp?avibaseid=3B0B6BD9C4B14A05
https://www.inaturalist.org/taxa/19099-Pionus-chalcopterus
https://animalia.bio/bronze-winged-parrot
https://birdsoftheworld.org/bow/species/brwpar1/cur/multimedia?lang=es&media=figures
https://app.birda.org/species-guide/13125/Bronze-winged_Parrot
Tarix : 16 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
