Trachurus lathami - Carangidae fəsiləsinə və Trachurus cinsinə aid olan balıq növü. Etimologiya Bu balıq ingilis dilində "rough scad" və "horse mackerel" kimi adlarla tanınır. Fransızca "chinchard frappeur", ispan dilində "chicharro garretón", Argentina və Uruqvayda "jurel", Braziliyada isə "carapau", "garaçuma", "surel" və "xixarro" kimi adlarla bilinir. Bu növ, Şimali və Cənubi Amerikanın şərq sahilləri və Meksika körfəzi daxil olmaqla, qərb Atlantik okeanının bir hissəsində yayılmışdır. Təsvir Bu növ ən çox 40 sm uzunluğa çata bilir, lakin çoxlu fərdlər təxminən 30 sm uzunluqdadır. Yetkinlik yaşına çatdıqda təxminən 12 sm uzunluğa malik olur. Maksimum çəkisi təxminən 500 qramdır. Uzunsov formaya malikdir və bir qədər yan tərəfdən sıxılmış görünüşü var. Siklik pulcuqlarla örtülüdür ki, bu da nazik və üst-üstə düşən pulcuq növüdür. Bədəni üst tərəfdən mavi, alt tərəfdən isə gümüşü və ağ rəngdədir. Operkulumun kənarında qara bir ləkə var, burun, üzgəc kənarları və quyruq üzgəci tünd rəngdədir. Digər üzgəclər açıq rəngdədir. Gözləri böyükdür və göz qapağına malikdir. Yaşayış yeri və bioloji xüsusiyyətlər Bu dəniz balığı əsasən sahil sularında yaşayır və pelajik (suyun sütununda üzən) və demersal (dayaz qitə şelflərində dəniz dibində yaşayan) həyat tərzi keçirir. Rif balığıdır. Okeanın 30-200 metr dərinliklərində tapıla bilir. Şərtlər uyğun olduqda daha dayaz sulara da gedə bilər. Məsələn, 2009-cu ildə Argentinada yerləşən Mar Chiquita laqununda qeydə alınmışdır. Qidalanma Onun qidası əsasən xərçəngkimilər, kopepodlar (Calanoides, Candacia, Centropages, Corycaeus, Eucalanus və Oncaea cinsləri), Temora stylifera və Calanopia americana kimi növlərdən ibarətdir. Euphausiid krill, chaetognathlar, diastylid xərçəngkimilər (Anchistylis və Diastylis növləri), lucifer karidesləri, xərçəng sürfələri və xərçəng yumurtaları ilə qidalanır. Bununla belə, yalnız xərçəngkimilərlə məhdudlaşmır, balıqlar və onların yumurtaları ilə də qidalandığı məlumdur. Balığın qidalanma qrafiki günün müəyyən vaxtlarında, əsasən günorta və gecə vaxtı aktiv olur. Davranış Bu balıq tez-tez sürülər halında üzür. Bəzi bölgələrdə balığın cavan fərdləri Chrysaora lactea meduzası ilə birlikdə tapılır ki, bu da onları yırtıcılardan qoruyur. Bir neçə cavan balıq eyni vaxtda meduzanın şemsiyesi altında sığınacaq tapa bilər, burada onlar meduzanın tentakulları tərəfindən qorunur və ya çətirin arxasında gizlənirlər. Meduzadan uzaqlaşdıqda isə bəzən Mycteroperca acutirostris (dəniz xərçəngi) tərəfindən ovlanır. Bu yırtıcı meduzanı izləyərək balıqların çıxmasını gözləyir. Bu balıq bir çox digər yırtıcı üçün də qida mənbəyidir. Məsələn, bir araşdırmada Seriola lalandi (sarıquyruq amberjack) növünün əsas qidasını təşkil etmişdir. Parazitlər Bu balığın parazit yükü ilə bağlı araşdırmalar göstərir ki, o, Aponurus laguncula və Ectenurus virgulus (digenean qurdları), Pseudaxine trachuri (monogenean qurdu), Corynosoma qurdu, bir çox nematod sürfələri, Grillotia carvajalregorum (lentşəkilli qurd) və Caligus mutabilis, Lernanthropus trachuri, Tuxophorus caligodes kimi kopepodlarla yoluxa bilər.
https://biogeodb.stri.si.edu/caribbean/en/thefishes/species/3662
https://animalia.bio/trachurus-lathami#google_vignette
https://www.inaturalist.org/taxa/179447-Trachurus-lathami
https://ncfishes.com/marine-fishes-of-north-carolina/trachurus-lathami/
https://fishbase.mnhn.fr/country/CountrySpeciesSummary.php?c_code=591&genusname=Trachurus&speciesname=lathami&lang=spanish
https://www.mindat.org/taxon-5210468.html
https://zoologia.pensoft.net/article/20475/
https://www.scielo.br/j/zool/a/3Czj8vYZ6x4KLvpGbRTffyR/?lang=en
http://watlfish.com/species/caragidae/archives/2012/05/17/trachurus-lathami/
https://www.jstor.org/stable/1438130
https://onlinelibrary.wiley.com/doi/abs/10.1111/jfb.14884
https://www.scielo.br/j/ni/a/7ytfrSRPSDsfyjVxgt6dkdB/
https://www.fws.gov/species/rough-scad-trachurus-lathami
https://ri.conicet.gov.ar/bitstream/handle/11336/208997/CONICET_Digital_Nro.0dd4ab18-84f7-4920-b589-8972a880f061_E.pdf?sequence=5&isAllowed=y
https://pubmed.ncbi.nlm.nih.gov/34418089/
https://v3.boldsystems.org/index.php/Taxbrowser_Taxonpage?taxid=89124
https://meetings.pices.int/Publications/Presentations/2022-SPF/S1-Temperoni.pdf
https://fishbase.mnhn.fr/Fieldguide/FieldGuideSummary.php?genusname=Trachurus&speciesname=lathami&c_code=740
https://scite.ai/reports/diel-feeding-pattern-and-diet-wQvgN2
https://www.marinespecies.org/aphia.php?p=taxdetails&id=159655
https://txmarspecies.tamug.edu/fishdetails.cfm?scinameID=Trachurus%20lathami
https://www.wikidata.org/wiki/Q2725686
https://mexican-fish.com/rough-scad/
https://www.sciencedirect.com/topics/agricultural-and-biological-sciences/trachurus-trachurus
Tarix : 29 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
