Tay pişiyi - Tayland pişiklərindən törəmiş, yeni adlandırılmış, lakin köhnə pişik irqi. Bu irq qərb tərzi müasir Siam pişiklərindən fərqli olsa da, onlarla əlaqəlidir. Tarix 19-cu və 20-ci əsrin əvvəllərində Siamdan (indiki Tayland) qərb ölkələrinə idxal edilən pişiklər müasir qərb Siam pişiklərindən daha mülayim quruluşa malik idi. Tay pişiyi qərb Siam pişikləri ilə ümumi mənşəyə malik olsa da, İkinci Dünya Müharibəsindən sonra ayrıca yetişdirmə iki fərqli irqin inkişafına səbəb oldu. Daha ekstremal xüsusiyyətlər pişik sərgilərində üstünlük təşkil etdi və qərbdə Siam pişiklərinin əsas növünə çevrildi. 1980-ci illərdən başlayaraq, Şimali Amerika və Avropada 20-ci əsrin əvvəllərindəki Siam pişiklərinin növünü qorumağa həsr olunmuş müxtəlif irq klubları meydana çıxdı. "World Cat Federation" (WCF) 1990-cı ildə orijinal tərz ayrı bir irq kimi tanıdı və ona "Tay" adını verərək tam çempionat statusu verdi. Birləşmiş Krallıqda və Şimali Amerikada bu pişiklər Siam kimi qeydiyyata alınmağa davam etdi. 2001-ci ildən başlayaraq, Taylanddan birbaşa idxal edilən yerli rəng nöqtəli pişiklər qərb Tay yetişdirmə proqramlarının gen fondunda istifadə edildi. Bu, Cənub-Şərqi Asiya pişiklərinin xüsusiyyətlərini qorumaq və qan xətlərini fsabit saxlamaq üçün edildi. 2007-ci ildən başlayaraq, "PREOSSIA" üzvləri "The International Cat Association" (TICA)-da yeni irq müraciəti prosesinə başlatdı. Köhnə Tərz Siam pişiklərinin fərqli qeydiyyat qaydaları və irq standartı ilə yetişdirilməsi və sərgilərdə iştirak etməsi üçün ayrı bir irq statusu tələb edildi. Lakin "TICA" "Köhnə Tərz Siam" adının istifadəsinə icazə vermədi və yetişdiricilər Avropa nümunəsini izləyərək "Tay" adını seçdilər. 2010-cu ilin yanvarında "TICA2 tərəfindən Tay pişiyinə Çempionat statusu verildi və bu, onun digər irqli pişiklərlə birlikdə yarışmasına imkan yaratdı. 2015-ci ildə "Fédération Internationale Féline" (FIFe) Tay pişiyini "İlkin Tanınmış İrqlər" sinfinə qəbul etdi. Xüsusiyyətlər Tay və müasir Siam pişikləri ümumi mənşəyə, rəng nöqtəli genə və qərbdə 20-ci əsrin əvvəllərində idxal edilən pişiklərlə məşhur olan dostcanlı, insansevər və səsli xasiyyətə malikdir. Xarici bədən tipinə malikdir. Dəyişdirilmiş pazvari baş formasına malikdir. Alnı uzun və düz, burnu göz səviyyəsində yalnız yüngül konkav əyridir. Tükləri qısa və düzdür. "TICA"-da Taylanddan idxal edilən və qeydiyyat sənədləri olan pişiklər də Tay kimi qeydiyyata alına bilər. "WCF" və "FIFe"-də isə Taylandda doğulmuş təbii pişiklər Tay kimi qeydiyyata alına bilməz və ya kəsişmə kimi istifadə edilə bilməz. Etimologiya Taylandda bu zərif pişiyin əcdadı "Viçien Maat" adlanır, mənası "ay almazı" deməkdir. Viçien Maat, digər pişiklərlə birlikdə, əsrlər əvvəl "Tamra Maew" (Pişik Şeirləri Kitabı) adlı kitabda təsvir edilmişdir. İllər ərzində Viçien Maat öz orijinal yetişdirməsini qoruyub saxlamışdır və bu gün də Taylandda məşhur bir pişik olaraq qalır.
https://en.wikipedia.org/wiki/Thai_cat
https://www.webmd.com/pets/cats/what-to-know-about-thai-cat
https://www.purina.co.uk/find-a-pet/cat-breeds/thai
https://www.zooplus.co.uk/magazine/cat/cat-breeds/thai-cat
https://fifeweb.org/cats/breeds/thai/
https://tica.org/breed/thai/
https://thethaicatcenter.com/types-of-thai-cats
https://www.gccfcats.org/getting-a-cat/choosing/cat-breeds/thai/
https://www.hillspet.com.au/cat-care/cat-breeds/thai-cat
https://cats.com/cat-breeds/thai-old-style-siamese
https://www.pharmacy4pets.com/dk/breeds/cat-breeds/thai-cat
https://tehran.thaiembassy.org/en/content/the-real-housecats-of-siam-wichien-maat?cate=5d84630615e39c3cbc002bcf
https://www.catster.com/cat-breeds/thai-cat/
https://www.catsbest.eu/cat-breed/thai-cat/
https://animalia.bio/pets/thai-cat
https://scrumbles.co.uk/blogs/news/thai-cat-breed-guide
https://www.fetchpet.com/the-dig/thai
https://viosna.pl/en/kot-tajski/
https://pangovet.com/pet-breeds/cats/siamese-vs-thai-cat/
https://brit-petfood.com/en/breed-catalog/siamese-and-oriental-cats/thai-cat
Tarix : 23 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
