Tacsız kurasov ("Mitu tomentosum") - "Cracidae" fəsiləsinə aid olan bir quş növü. Bu fəsiləyə çaçalaka, qvan və kurasovlar daxildir. Braziliya, Kolumbiya, Qayana və Venezuellada rast gəlinir. Taksonomiya və sistematika Tacsız kurasov əvvəllər "Crax" cinsində təsvir edilsə də, genetik məlumatlar "Mitu" cinsinin etibarlı olduğunu təsdiqləyir. Tacsız kurasov monotipik bir növdür. Təsvir Tacsız kurasov 75-85 sm uzunluğunda və erkəklərin çəkisi 2,300-3,050 qram, dişilərin çəkisi isə 1,300-2,425 qram arasındadır. Əsasən qara rəngdədir və tünd mavi və ya bənövşəyi parıltıya malikdir. Qarnı və quyruq ucu zəngin şabalıdı rəngdədir. Digər kurasovlardan fərqli olaraq, təcəsi və qırmızı dimdiyində şişlik yoxdur. Yayılması və yaşayış mühiti Tacsız kurasov şərqi Kolumbiya, cənubi Venezuella, şimal-qərbi Braziliya və cənub-qərbi Qayanada rast gəlinir. Əsasən çaylar boyunca yağış meşələrində yaşayır, lakin Kolumbiya və Venesuelanın llanos bölgələrində qalereya meşələrində də tapılır. Sıx alt bitki örtüyü olan əraziləri üstün tutur. Aşağı düzənliklərdə yaşayır; Kolumbiyada 500 metr, Venezuellada isə 600 metr yüksəkliyə qədər rast gəlinir. Qidalanma Tacsız kurasov adətən tək və ya cüt halda qidalanır, lakin çox nadir hallarda 10-a qədər fərddən ibarət qruplarda da görülə bilər. Əsasən yerdə qidalanır. Qidası tam öyrənilməsə də, demək olar ki, tamamilə tökülmüş meyvələrdən ibarət olduğu bildirilir. Çoxalma Tacsız kurasovun çoxalma mövsümü yağış mövsümü ilə üst-üstə düşür. Yuvasını ağacların aşağı hissələrinə qurur və iki yumurta qoyur. Status "IUCN" ilk dəfə tacsız kurasovu "Ən az narahatlıq doğuran" kimi qiymətləndirsə də, 2012-ci ildə onu "Təhlükəyə Yaxın" statusuna yüksəltdi. Populyasiya ölçüsü məlum deyil, lakin yaşayış mühitinin parçalanması və ovlanma səbəbindən azalmaqda olduğu proqnozlaşdırılır.
https://en.wikipedia.org/wiki/Crestless_curassow
https://ebird.org/species/crecur2
https://datazone.birdlife.org/species/factsheet/crestless-curassow-mitu-tomentosum
https://birdsofcolombia.com/pages/crestless-curassow
https://www.inaturalist.org/taxa/2096-Mitu
https://birdsoftheworld.org/bow/species/crecur2/cur/introduction
https://xeno-canto.org/species/Mitu-tomentosum
https://www.oiseaux.net/birds/crestless.curassow.html
Tarix : 24 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
