Simmoriiform (Symmoriiform) - Karbon dövründə (təxminən 360-300 milyon il əvvəl) meydana çıxıb nəsli tükənmiş qığırdaqlı balıqların bir növü. Bu qrupa aid fərdlər simmetrik quyruq quruluşu, çox vaxt maraqlı kraniyal strukturları ilə səciyyələnir. Simmoriiform qrupuna aid olan balıqların tədqiqatı göstərir ki, onlar dərin su ekosisteminə aid xüsusi nümayəndələrdir. Tarixi və kəşfi Simmoriiform qrupunun ilk qalıqları Karbon dövrünə aid çöküntülərdə tapılmışdır. Qrupun əhəmiyyətli nümayəndələrindən olan Dvaykaselaksus və Ozarcus, tədqiqatçılara bu canlıların təkamül tarixi barədə mühüm dəlillər vermişdir. İlk tədqiqatlar simmoriiformları xüsusi qrup olan Elasmobrançi daxilində qiymətləndirirdi. Lakin sonralar, çox yaxşı qorunub saxlanılmış kəllə fosillərinin KT (kompüter tomoqrafiya) analizləri bu canlıların, köpəkbalıqlarından daha çox Holocephali (kimera balıqları) qrupu ilə yaxından əlaqəli olduğunu göstərdi. Xüsusiyyətləri Simmoriiformları digər qığırdaqlı balıqlardan ayıran bəzi spesifik xüsusiyyətlər bunlardır: Kəllə sümüyü quruluşu: Simmoriiform fosillərinin KT skanları, bu qrupun kimera balıqlarına aid bəzi xüsusiyyətlərini, o cümlədən orta beyninin (mezensefalon) qaldırılmış strukturunu ortaya çıxarmışdır. Qığırdaqlı strukturlar: Burun kapsulları və internazal yiv, simmoriiformların unikallıq əlamətlərindən biridir. Simmetrik quyruq: Bu qrupun bir çox nümayəndəsi simmetrik quyruq strukturuna malikdir ki, bu da çevik üzmək qabiliyyətini təmin edir. Təkamülü Siymmoriiformların filogenetik yeri uzun müdət mülahizələrə səbəb olmuşdur. Tədqiqatlar göstərir ki, bu qrup iniopterigyalar və holocephalialar ilə yaxından əlaqəlidir və onların təkəmülü Devon dövründən sonra çörüklərin bərpası prosesində vacib rol oynamışdır. Əhəmiyyəti Simmoriiform fosilləri qığırdaqlı balıqların təkəmül tarixi və divergensiyası haqqında dərin biliklər verir. Onlar Devon tükənməsindən sonra canlı ekosistemlərin bərpasında əhəmiyyətli rol oynayan holocephaliaların erkən qohumları olduqlarını irəli sürür. Simmoriiformlar, qığırdaqlı balıqların təkəmül tarixində vacib bir qrupu təmsil edir. Onların anatomik quruluşu, ətraf mühit adaptasiyaları və filogenetik yeri, ilk vertebrat radiasiyalarını daha yaxşı anlamaq ücün vacibdir.
https://en.wikipedia.org/wiki/Symmoriiformes
https://www.tandfonline.com/doi/full/10.1080/08912963.2018.1539971
http://www.geology.cz/bulletin/contents/art1845
https://paleodb.org/cgi-bin/bridge.pl?action=basicCollectionSearch&collection_list=90681
https://www.sbpbrasil.org/revista/edicoes/8_2/8(2)ivanov.pdf
http://palaeo.gly.bris.ac.uk/benton/vertclass.html
https://www.nature.com/articles/ncomms3669
Tarix : 18 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
