Səmavi və dünyəvi üçlük (həmçinin Pedroso müqəddəs ailəsi kimi tanınır) — ispan rəssamı Bartolome Esteban Murillonun təxminən 1675–1682-ci illərdə çəkdiyi, kətan üzərində yağlı boya ilə işlənmiş dini tablodur. Əsər London Milli Qalereyasında saxlanılır. Tabloda gənc İsa Məsih, Məryəm və Müqəddəs İosif birlikdə təsvir olunub. Onlar əsərin adındakı dünyəvi üçlüyü, yəni Müqəddəs Ailəni, təşkil edirlər. Onlarla birlikdə Ata Allah və Müqəddəs Ruh da təsvir olunub. Məsih Oğul Allah kimi Ata Allah və Müqəddəs Ruhla birlikdə Müqəddəs Üçlüyü təşkil edir. Əsərin mövzusu Məbəddə İsanın tapılması hadisəsindən ilhamlanıb və nadir hesab olunur. Buna baxmayaraq, bu mövzuya ispan və flamand incəsənətində başqa nümunələrdə də rast gəlinir. Mənşəyi Əsər haqqında ilk yazılı məlumat Murilyonun əsas bioqrafı Antonio Palominonun qeydlərində yer alır. Palomino 1708-ci ildə tablonu Kadis şəhərində, Pedroso markizi Carlos Francisco Colartenin sənət kolleksiyasında görmüşdü. Əsər XIX əsrin əvvəllərində də Pedroso ailəsinin kolleksiyasında qalırdı. Daha sonra tablo Sevilyada britaniyalı sənət taciri Uilyam Byukenen üçün Ceyms Kempbell tərəfindən satın alındı və 1810-cu ilin yanvarında Böyük Britaniyaya gətirildi. Əsər bundan sonra Tomas Bakli Bakli-Ouenin kolleksiyasına daxil oldu. 1837-ci ildə isə hazırkı sahibi tərəfindən Peter Paul Rubensin Mis ilan əsəri ilə birlikdə satın alındı. İstinadlar
https://az.wikipedia.org/wiki/S%C9%99mavi_v%C9%99_d%C3%BCny%C9%99vi_%C3%BC%C3%A7l%C3%BCk
http://www.artehistoria.jcyl.es/artesp/obras/10642.htm
https://web.archive.org/web/20120206054355/http://www.artehistoria.jcyl.es/artesp/obras/10642.htm
https://www.britishmuseum.org/collection/term/BIOG179447
https://www.nationalgallery.org.uk/paintings/bartolome-esteban-murillo-the-heavenly-and-earthly-trinities
https://www.ebooksread.com/authors-eng/bernard-burke/a-genealogical-and-heraldic-history-of-the-landed-gentry-of-great-britain--irel-kru/page-135-a-genealogical-and-heraldic-history-of-the-landed-gentry-of-great-britain--irel-kru.shtml
Tarix : 9 sentyabr 2026
