Saxta kobra (Malpolon moilensis) və ya başlıqlı malpolon - Afrika və Yaxın Şərqin bəzi bölgələrində tapılan opisthoglyphous (arxa dişli) ilan növü. "Saxta kobra" adı ondan qaynaqlanır ki, bu ilan əslində kobra deyil, lakin kobranın duruşunu təqlid edərək boynunu başlıq şəklində genişləndirir və kobraya bənzər səs çıxarır. Təsvir Yetkin fərdlər adətən 0,8 – 1,4 m uzunluğunda olur, lakin bəzi nümunələr 1,9 m-ə qədər böyüyə bilir. Onların böyük, yumru və qırmızımtıl rəngli gözləri var. İlanın əsas xüsusiyyətlərindən biri yanağından çənə bucağına qədər uzanan qara ləkədir. Bədəninin ümumi rəngi saman rəngindədir və bədən boyunca qəhvəyi ləkələrlə örtülüdür. Qarın hissəsi adətən krem rəngindədir. Coğrafi yayılma Malpolon moilensis Şimali Afrika və Yaxın Şərqdə tapılır. Davranış Təhlükə hiss etdikdə, Malpolon moilensis kobranın duruşunu təqlid edərək boynunu başlıq şəklində genişləndirir və kobraya bənzər səs çıxarır. Qidalanma Təbiətdə əsasən gəmiricilər, balaca quşlar və kərtənkələlərlə qidalanır. Əsirlikdə olanlar siçan (ölü, dondurulmuş və ya canlı) qəbul edirlər. Əsirlikdə saxlanılması M. moilensis ABŞ-da kolleksiyalarda çox tez-tez rast gəlinmir, bəlkə də bəzi nümunələrin yüksək aqressiv təbiəti səbəbindən. Yaxın Şərqdə bəzi ev heyvanı mağazalarında nadir hallarda tapıla bilər, çünki ilanlar adətən ev heyvanı kimi saxlanmır. Bəzi nümunələr son dərəcə sakit və idarəetməsi asan ola bilər, digərləri isə əllənməyə dözməyib yuxarıda qeyd olunan müdafiə duruşunu nümayiş etdirə bilər. Zəhəri ölümcül olmasa da, əgər dişlər çılpaq dəriyə dəyib zəhər yeridərsə, ağrı çox şiddətli ola bilər; şişkinlik və digər potensial mürəkkəbliklərə səbəb ola bilər. Qayğı Əsirlikdə M. moilensis aşağı rütubətli mühitdə saxlanılmalıdır və hər 14–20 gündən bir siçanla (kiçik nümunələr üçün balaca siçanlar) qidalandırıla bilər. Onlara təmiz su qabı, gizlənmək yeri və dəri dəyişdirmə prosesinə kömək etmək üçün kiçik bir qaya təmin edilməlidir. Dəri dəyişdirmə M. moilensis hər 30–50 gündən bir dəri dəyişdirir. Digər ilanlar kimi, bu proses təxminən 7–10 gün çəkir. İlk iki gün gözlər mavi rəng alır və dəri rəngi solğunlaşır. Bir həftə sonra ilan dərisini tökür. Bütün bu müddət ərzində ilana toxunmaq və qidalandırmaq olmaz.
https://nationalzoo.si.edu/animals/false-water-cobra
https://spa.gov.sa/en/N2230914
https://animalia.bio/false-cobra#google_vignette
https://a-z-animals.com/animals/false-cobra/
https://www.hongkongsnakeid.com/bamboo-false-cobra
https://www.inaturalist.org/taxa/797722-Malpolon-moilensis
https://milwaukeezoo.org/visit/meet-our-animals/false-water-cobra/
https://www.inaturalist.org/guide_taxa/1993254
https://www.pantanalescapes.com/wildlife/reptiles/falsewatercobra.html
https://www.reptilecentre.com/pages/info-false-water-cobra-care-sheet
https://animalia.bio/false-water-cobra
https://gulfnews.com/world/gulf/saudi/look-rare-false-cobra-spotted-in-saudi-arabia-1.1734758332723
https://bangkokherps.wordpress.com/snakes/chinese-false-cobra/
https://www.creaturesofnightshade.com/post/false-water-cobra-care-guide
https://www.reptileforums.co.uk/threads/false-cobra-malpolon-moilensis.836265/
https://www.naturepl.com/stock-photo-nature-image01602214.html?srsltid=AfmBOooo9ub-SWxOCHr5VUe2Y4mDWQRCSN79HARPAUT4XoYYIZnNofIl
https://reptiledirect.com/false-water-cobra/
https://fictionrulezforever.fandom.com/wiki/False_Water_Cobra
https://critter.science/the-false-water-cobra/
https://www.indiansnakes.org/snakedetails/false%20cobra
Tarix : 7 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
