Müqəddəs Yakov kafedralı (latış. Svētā Jēkaba katedrāle, alm. Jakobskirche) - Latviyanın paytaxtı Riqa şəhərində yerləşən Roma-Katolik kafedralıdır. Kafedral, Müqəddəs Böyük Yakov'a həsr olunmuşdur. Bina, Ümumdünya İrs Siyahısına daxil edilmiş Köhnə Riqa kompleksinin bir hissəsidir və Latviya parlamentinin (Saeima) toplantı yeri olan Livoniya Zadəganlar Korporasiyasının Evinin qarşısında yerləşir. Kilsə bəzən "Müqəddəs Yakob" adı ilə də adlandırılır. İngilis dili, köhnə əhd adı olan Yakob (Jacob) və yeni əhd adı olan Yakov (James) üçün fərqli adlardan istifadə edir. Tarix Kilsə binası 1225-ci ildə təqdis edilmişdir. Əvvəlcə kafedral deyildi, çünki bu funksiya Rīgas Doms tərəfindən yerinə yetirilirdi. 15-ci əsrin əvvəllərində erkən Qotik kilsənin cənub ucunda Müqəddəs Xaç şapeli tikildi və kilsənin bir hissəsi bazilikaya çevrildi. 1522-ci ildə Protestan Reformasiyası zamanı bina Riqa şəhərindəki ikinci alman dilli Lüteran kilsəsinə çevrildi. 1523-cü ildə isə burada ilk latış dilli Lüteran kilsəsi yaradıldı. 1582-ci ildə, Polşa-Litva Birliyindən olan Stefan Batorinin Riqa üzərində nəzarəti ələ alması ilə bina Kontr-Reformasiya çərçivəsində Yezuitlərə verildi. 1621-ci ildə İsveç kralı II Qustav Adolfun Riqa şəhərini işğal etməsindən sonra yenidən Lüteranlara qaytarıldı. Müxtəlif dövrlərdə isveç, alman və ya eston dilli Lüteran kilsəsi kimi xidmət göstərdi. 1710-cu ildə Rusiya işğalından sonra kilsə "Tac Kilsəsi" adlandırıldı, lakin alman dilində dini mərasimlər davam etdirilməsinə icazə verildi. 1812-ci ildə Napoleon ordusu tərəfindən un kisələri və digər qida ehtiyatları üçün anbar kimi istifadə edildi. Bu dövrdə, 1812-ci ilin iyunundan noyabrınadək icma ibadətlərini Müqəddəs Pyotr Kilsəsində keçirdi.
https://www.liveriga.com/en/2976-riga-st-jacob-s-cathedral
https://religiana.com/st-jamess-cathedral-riga
https://medievalheritage.eu/en/main-page/heritage/latvia/riga-st-james-cathedral/
https://www.redzet.lv/en/travel/sights/churches/riga-st-jacobs-cathedral
https://www.mycityhunt.co.uk/cities/riga-lv-10327/poi/st-jamess-cathedral-8192
http://world.meros.uz/en/wonder/view?id=875
https://en.wikipedia.org/wiki/St._James%27s_Cathedral,_Riga
Tarix : 15 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
