Qızılqanad sərçə (Arremon schlegeli) - "Passerellidae" fəsiləsinə aid olan bir quş növü. Xüsusiyyətlər Qızılqanad sərçəni qara başı, uzun sarı dimdiyi, boz üst hissələri və belindəki yaşıl ləkə ilə tanımaq olar. Qızılqanad sərçə öz yayılma sahəsində tamamilə qara başa malik yeganə sərçədir. Gözləri qəhvəyi və ya qara rəngdədir. Yetkinlərin dimdiyi sarı, cavan fərdlərin dimdiyi isə qara rəngdədir. Erkək Qızılqanad sərçəsinin üzü, yanaq xətti və çənəsi qara, boğazı ağ, ənsəsi boz və belində yaşıl rəng var. Dişi Qızılqanad sərçəsinin alt hissələri daha açıq rəngdədir. Qızılqanad sərçəsinin orta uzunluğu 150 mm-dir. Dişilərin çəkisi təxminən 23 qram, erkəklərin çəkisi isə təxminən 32 qramdır. Davranış Qızılqanad sərçələri toxum, meyvə və həşəratlarla qidalanır və bunu əsasən yer üzərində və ya yerdə edirlər. Onlar tək-tək və ya cüt-cüt şəkildə, ikinci dərəcəli meşələrdə və quru ilə rütubətli iqlim şəraitində qidalanır. Bu növ yağış mövsümündə çoxalır, çünki bu dövrdə oxuma fəaliyyəti artır. Qızılqanad sərçəsinin mahnısı əsasən aprel və may aylarında səhər tezdən eşidilir. Onların mahnısı yüksək tonlu təkrarlanan notlardan ibarətdir və "Zeut-zeut-zeut-zee" və ya "Soot-soot-soot-see" kimi təsvir edilir. Yaşayış mühiti Qızılqanad sərçəsi quru ekosistemdə yaşayır. Onun yaşayış mühitinə subtropik və ya tropik quru meşələr, kolluqlar və subtropik və ya tropik şəkildə ciddi dərəcədə pozulmuş keçmiş meşələr daxildir. Bu quş həmçinin düzənliklərdən 1400 metr yüksəkliyə qədər olan meşəlik və quru ərazilərdə yaşayır. Bu ərazilərdə meşələrdə, ikinci dərəcəli meşələrdə, kolluqlarda, dərələrdə və təpə yamaclarında rast gəlinir. Yarımnövlər və yayılması Bu quşun üç yarımnövü tanınmışdır: -"A. s. schlegeli" Kolumbiya və Venesuelanın Karib sahillərində yayılıb. -"A. s. fratruelis" Kolumbiyanın şimalındakı Quajira yarımadasında yerləşən "Serranía de Macuira"da tapılır. -"A. s. canidorsum" Kolumbiyanın şimalındakı And dağlarının qərb yamaclarında, Maqdalena vadisində yayılıb. "Fratruelis" yarımnövü "schlegeli" yarımnövündən daha böyük və uzun dimdiyə malikdir. "Canidorsum" yarımnövü isə boz üst hissələrə, ağ alt hissələrə malikdir və belində yaşıl rəng yoxdur. Populyasiya 2023-cü ilə qədər Qızılqanad sərçəsinin populyasiyası sabitdir. Populyasiya "Beynəlxalq Təbiəti Mühafizə Birliyi" (IUCN) "Qırmızı Siyahısı"nda "ən az narahatlıq doğuran" kateqoriyasında təsnif edilmişdir. Bu növ 2012, 2009, 2008 və 2004-cü illərdə də eyni təsnifatı almışdır. Qızılqanad sərçəsi zəif növ kimi təsnif edilməsinin meyarlarını ödəmir, çünki onun yayılma sahəsi 20,000 km²-dən böyükdür, populyasiyası sabitdir və 2023-cü ilə qədər 10 il ərzində 30%-dən çox azalma müşahidə edilməyib. Qorunma Qızılqanad sərçəsinin yayıldığı ərazilərdə qorunma sahələri aşkar edilmişdir. Bu növ qorunan ərazilərdə yaşayır. Lakin gələcəkdə hələ də, zəruri qorunma tədbirləri görülməlidir.
https://ebird.org/species/gowspa1
https://birdsoftheworld.org/bow/species/gowspa1/cur/introduction
https://datazone.birdlife.org/species/factsheet/golden-winged-sparrow-arremon-schlegeli
https://en.wikipedia.org/wiki/Golden-winged_sparrow
https://birdsoftheworld.org/bow/species/gowspa1/cur/introduction?printable
https://www.inaturalist.org/taxa/10063-Arremon-schlegeli
https://xeno-canto.org/species/arremon-schlegeli
Tarix : 27 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
