Qızılıdöş sığırçını ("Lamprotornis regius")-Həmçinin kral sığırçını kimi tanınan, sığırçın fəsiləsinə aid orta ölçülü sərçəkimilər qrupuna daxil olan bir quş növü. Yarımnövlər -"Lamprotornis regius magnificus" (van Someren, 1924) -"Lamprotornis regius regius" (Reichenow, 1879) Yayılması və yaşayış yeri Qızılıdöş sığırçınının yayılma sahəsi çox genişdir. Şimal-Şərqi Afrikada, Somali, Efiopiya, Keniya və şimal Tanzaniya ərazilərində yayılmışdır. Bu quşlar çöllərdə, savannalarda, akasiya kolluqlarında, quru-tikanlı meşələrdə və kolluqlu ərazilərdə yaşayır. Status və qorunma Yaşayış sahəsi boyunca geniş yayılmış qızılıdöş sığırçınının populyasiya trendi sabitdir. Növ, "IUCN Qırmızı Siyahısı"na görə "ən az narahatlıq doğuran növ" kimi qiymətləndirilir. Təsvir "Lamprotornis regius" təxminən 35 sm (14 inç) bədən uzunluğuna çata bilir. Yetkin fərdlərin başı və üst bel hissəsi metalik yaşıl rəngdədir, döş və qarın hissəsi parlaq qızılı sarıdır, dimdiyi və ayaqları tünd rəngdədir, gözləri ağ, qanadları, beli, boynu və uzun quyruq lələkləri isə metalik bənövşəyi-mavi rəngdədir. Hər iki cins eyni görünüşə malikdir. Cavan fərdlər yetkinlərdən daha solğundur. Davranış Qızılıdöş sığırçını sosial bir heyvandır və üçdən on iki fərddən ibarət qruplarda yaşayır. Yetkin fərdlər yanvar-iyun və avqust-noyabr ayları arasında, ən çox yanvar ayında müşahidə edilir. Çoxalma Qızılıdöş sığırçını ildə bir dəfə, çoxalma mövsümündən sonra lələk dəyişdirir. Bu quşlar bircinslidir (monoqamdır). Dişi adətən üç ilə beş arasında qırmızı xallı açıq yaşıl yumurta qoyur. Ağac deşiklərində yuva qurur, adətən ağacdələmlərin tərk etdiyi deşiklərdən istifadə edir. Yuva yarpaqlar, köklər və digər bitki materialları ilə hazırlanır. Bütün ailə qrupu balaların böyüdülməsində əməkdaşlıq edir, qida və yuva materialları toplayır. Qidalanma Digər parlaq sığırçınlardan fərqli olaraq, qızılıdöş sığırçını əsasən həşərat və termitlərlə qidalanır. Yetkin quşlar uçuş zamanı həşəratları tutur və termit yuvalarını qazaraq ov tapır. Bəzən ilbizlər, hörümçəklər, xərçəngkimilər və ya kərtənkələ kimi kiçik onurğalılar da qidaya daxil olur.
https://en.wikipedia.org/wiki/Golden-breasted_starling
https://avibase.bsc-eoc.org/species.jsp?avibaseid=EE674721A9C663AD
https://datazone.birdlife.org/species/factsheet/golden-breasted-starling-lamprotornis-regius
https://ebird.org/species/gobsta5
https://animalia.bio/golden-breasted-starling
https://www.britannica.com/animal/golden-breasted-starling
https://birdsoftheworld.org/bow/species/gobsta5/cur/introduction
Tarix : 27 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
