Qızılı yalabıq ("Colaptes chrysoides")- ABŞ-nin cənub-qərb və şimal-qərbi Meksikanın Sonora, Yuma və şərqi Kolorado səhra bölgələrində, o cümlədən Baja Kaliforniyanın şimal-qərb istisna olmaqla bütün ərazilərində yaşayan iri bir ağacdələn növü. Sarı qanad altı lələkləri qızılı yalabığı, eyni regionda tapılan qırmızı qanad altı lələkləri olan şimal yalabığı ("Colaptes auratus")-ndan fərqləndirir. Taksonomiya Dörd yarımnöv tanınır: -Cape qızılı yalabığı ("C. c. chrysoides"): Cənubi Baja Kaliforniyada yaşayır. -Qəhvəyi qızılı yalabığı ("C. c. brunnescens"): Şimali və mərkəzi Baja Kaliforniyada yaşayır. -Mearns qızılı yalabığı ("C. c. mearnsi"): Cənub-şərqi Kaliforniyadan Arizonaya və şimal-qərbi Meksikaya qədər yayılıb. -Meksika qızılı yalabığı ("C. c. tenebrosus"): Şimali Sonoradan şimali Sinaloaya qədər olan şimal-qərbi Meksikada yaşayır. Yaşayış yeri Qızılı yalabıq ən çox yuva deşiyini saguaro kaktusunda ("Carnegiea gigantea") qurur və yeri yaxınlığından daha çox yuxarı hissədə deşik açır. Daha az tez-tez, onlar pambıq ağacı və ya söyüd olan səhra çay yataqlarında da yuva qururlar. Saguaro kaktuslarındakı boşluqlar yaşanmazdan bir il əvvəl qazılır. Kaktus, yuva deşiyinin boşluğuna su itkisini qarşısını almaq üçün su keçirməz bir quruluşa çevrilən şirə ifraz edir ki, bu da "saguaro çəkməsi" adlanır. Şimal yalabıqları isə çay yaxınlığındakı ağaclarda yuva qurur və çox nadir hallarda saguaro kaktuslarında yaşayır. Qızılı yalabıqlar bəzən şimal yalabıqları ilə yayılma və yaşayış yerlərinin üst-üstə düşdüyü dar zonalarda hibridləşir. Qidalanma Qızılı yalabıq əsasən qarışqalarla, həmçinin böcək və termitlər kimi digər həşəratlarla qidalanır. Yerdə həşəratları toplayaraq və ya dilləri ilə qarışqa yuvalarını yoxlayaraq qidalanır. Həmçinin meyvə və giləmeyvələrlə də qidalanır.
https://www.allaboutbirds.org/guide/Gilded_Flicker/id
https://en.wikipedia.org/wiki/Gilded_flicker
https://ebird.org/species/gilfli
https://www.allaboutbirds.org/guide/Gilded_Flicker/overview
https://www.audubon.org/field-guide/bird/gilded-flicker
https://birdinginsider.com/wild-birds/gilded-flicker-guide/
https://animalia.bio/gilded-flicker#google_vignette
Tarix : 27 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
