Qəhvəyiboğaz nektarquşu ("Anthreptes malacensis") - Həmçinin sadəboğaz nektarquşu kimi tanınan, "Nectariniidae" fəsiləsinə aid bir quş növü. Ümumi məlumat Cənub-Şərqi Asiyada, Myanmardan Kiçik Sunda adaları və qərb Filippinə qədər geniş yarıaçıq yaşayış mühitlərində rast gəlinir. Filippinin qalan hissəsində tapılan bozboğaz nektarquşu tez-tez qəhvəyiboğaz nektarquşunun yarımnövü hesab olunur, lakin onlar ölçülər və lələk rəngi baxımından ardıcıl şəkildə fərqlənir və aralarında keçid olduğuna dair heç bir sübut yoxdur. Taksonomiya Aşağıdakı yarımnövlər tanınır: -"A. m. malacensis" (Scopoli, 1786) – Cənub-Şərqi Asiya materiki, Sumatra və yaxınlıqdakı adalar, Borneonun şimalı xaricindəki hissəsi, Java və Bali. -"A. m. anambae" (Oberholser, 1917) – Anambas adaları. -"A. m. erixanthus" (Oberholser, 1932) – Natuna adaları. -"A. m. bornensis" (Riley, 1920) – şimal Borneo. -"A. m. mjobergi" (Bangs & Peters, JL, 1927) – Maratua. -"A. m. paraguae" (Riley, 1920) – Palavan. -"A. m. heliolusius" (Oberholser, 1923) – Mindanao. -"A. m. wiglesworthi" (Hartert, 1902) – Sulu arxipelaqı. -"A. m. iris" (Parkes, 1971 – Sibutu) adaları. -"A. m. chlorigaster" (Sharpe, 1877)– Qərbi Visayas. -"A. m. cagayanensis" (Mearns, 1905 – Mapun. -"A. m. heliocalus" (Oberholser, 1923) – Sangihe və Siau. -"A. m. celebensis" (Shelley, 1878)– Sulavesi və yaxınlıqdakı adalar. -"A. m. extremus" (Mees, 1966) – Bangqai və Sula. -"A. m. convergens" (Rensch, 1929) – Lombokdan Alorə qədər. -"A. m. rubrigena" (Rensch, 1931) – Sumba. Təsvir Qəhvəyiboğaz nektarquşu nisbətən böyük və ağır bir nektarquşudur, qalın dimdiyi var. Təxminən 14 sm uzunluğunda olub, çəkisi 7,4-13,5 qram arasındadır. Erkəklər dişilərdən bir qədər böyükdür. Digər nektarquşular kimi, erkək qəhvəyiboğaz nektarquşu dişidən daha rəngarəngdir. Erkəyin üst hissələri parlaq yaşıl və bənövşəyi rəngdədir, qanad örtükləri və çiyin lələkləri kürən rəngdədir; alt hissələri əsasən sarıdır. Dişi isə üstdən zeytun-yaşıl, altdan sarımtıl rəngdədir. Davranış Qəhvəyiboğaz nektarquşu əsasən nektarla qidalanır, lakin kiçik meyvə və giləmeyvələr də yeyir. Balalar həşəratlarla qidalandırılır.
https://ebird.org/species/pltsun2
https://en.wikipedia.org/wiki/Brown-throated_sunbird
https://www.thainationalparks.com/species/brown-throated-sunbird
https://datazone.birdlife.org/species/factsheet/brown-throated-sunbird-anthreptes-malacensis
https://www.inaturalist.org/taxa/979598-Anthreptes-malacensis
https://avibase.bsc-eoc.org/species.jsp?avibaseid=7F96C52A42C0C7A7
https://birdsoftheworld.org/bow/species/pltsun2/cur/introduction
https://xeno-canto.org/species/Anthreptes-malacensis
https://animaldiversity.org/accounts/Anthreptes_malacensis/
Tarix : 18 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
