Qəhvəyi rəngli torağay (Calendulauda africanoides) - Həmçinin qəhvəyi rəngli kolluq torağayı kimi də tanınan, "Alaudidae" fəsiləsinə aid olan bir torağay növü. Taksonomiya və sistematika Əvvəllər qəhvəyi rəngli torağay "Mirafra" cinsinə aid edilsə də, 2009-cu ildə "Calendulauda" cinsinə köçürülmüşdür. Yarımnövlər Səkkiz yarımnöv tanınır: -"C. a. intercedens" – Şərqi və cənubi Efiopiya, qərbi Somali, şərqi Uqanda, Keniya və şimali Tanzaniya. -"C. a. alopex" – Şərqi Efiopiya və şimali Somali. -"C. a. trapnelli" – Cənub-şərqi Anqola və cənub-qərbi Zambiya. -"C. a. harei" – Mərkəzi Namibiya, cənub-qərbi Botsvana və şimal-qərbi Cənubi Afrika. -"C. a. makarikari" – Cənub-qərbi Anqola və şimali Namibiya, qərbi Zambiya və şimali, mərkəzi Botsvana. -"C. a. sarwensis" – Qərbi Botsvana, şərqi Namibiya və mərkəzi şimali Cənubi Afrika. -"C. a. vincenti" – Mərkəzi Zimbabve və cənubi Mozambik. -"C. a. africanoides" – Cənubi Namibiya, cənub-şərqi Botsvana, cənub-qərbi Zimbabve və şimali Cənubi Afrika. "C. a. intercedens" və "C. a. alopex" yarımnövləri əvvəllər ayrıca "foxy lark" (tülkü torağayı) kimi tanınırdı. Lakin 2024-cü ildə Per Alström və tərəfdaşları tərəfindən aparılmış genişmiqyaslı molekulyar genetik araşdırmanın nəticələrinə əsasən, bu yarımnövlər qəhvəyi rəngli torağayla birləşdirildi, çünki onlar arasında genetik fərqlilik çox az idi. Yayılması və yaşayış mühiti Qəhvəyi rəngli torağayın yayılma sahəsi genişdir və təxmini qlobal yayılma sahəsi 2.400.000 km²-dir. Bu növ Anqola, Botsvana, Efiopiya, Keniya, Mozambik, Namibiya, Somali, Cənubi Afrika, Tanzaniya, Uqanda, Zambiya və Zimbabvedə tapılır.
https://ebird.org/species/faclar8
https://datazone.birdlife.org/species/factsheet/fawn-coloured-lark-calendulauda-africanoides
https://birdsoftheworld.org/bow/species/faclar8/cur/introduction
https://en.wikipedia.org/wiki/Fawn-coloured_lark
https://app.birda.org/species-guide/23698/Fawn-colored_Lark
https://xeno-canto.org/species/Calendulauda-africanoides
https://avibase.bsc-eoc.org/species.jsp?avibaseid=A990EB0B5FCD4F3A
https://www.oiseaux.net/birds/fawn-colored.lark.html
Tarix : 26 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
