Qayıqquyruq qrakl (Quiscalus major)-"Icteridae" fəsiləsinə aid olan və Cənub-Şərqi və Orta-Atlantik ABŞ-nin sahil bölgələrində daimi yaşayan bir quş növü. Yaşayış mühiti Qayıqquyruq qrakl duzlu sahil bataqlıqlarında və Florida ştatında daxili sular üzərində tapılır. Duzlu bataqlıq ərazilərində kiçik balıqçıllar, tez-tez qraklarla qarışıq koloniyalar yaradır. Qayıqquyruq qraklar ABŞ-nin Meksika körfəzi sahilindəki bir neçə şəhər və qəsəbədə əhəmiyyətli populyasiyalar qurmuşdur, burada zibil qutularında, zibil konteynerlərində və park yerlərində yemək axtararkən tapıla bilər. Çoxalma Yuva su yaxınlığındakı ağac və ya kollarda yaxşı gizlədilmiş bir fincan şəklindədir. Ortalama yumurta sayı üçdən bir qədər çoxdur. Təsvir Erkək qayıqquyruq qrakl 37–43 sm (15–17 düym) uzunluğunda və 165–250 qram (5,8–8,8 uns) çəkisindədir. Yetkin erkəklər tamamilə parlaq qara lələklərə, uzun qara dimdiyə, açıq sarımtıl və ya qəhvəyi göz rənginə və uzun qayıq şəkilli quyruğa malikdir. Yetkin dişi isə 26–33 sm (10–13 düym) uzunluğunda və 90–115 qram (3,2–4,1 uns) çəkisindədir. Dişilər daha qısa quyruq və tünd qəhvəyi rəngi ilə fərqlənir, bu rəng bədəni əhatə edir, qanadlar və quyruq isə daha tünd rəngdədir. Yetkin quşların qanad aralığı 39–50 sm (15–20 düym) arasındadır. Standart ölçülərə görə, bu növün qanad sümüyü 13–20 sm (5,1–7,9 düym), quyruq uzunluğu 11–20 sm (4,3–7,9 düym), dimdiyin uzunluğu 2–4,2 sm (0,79–1,65 düym) və ayaq sümüyü 3,6–5,8 sm (1,4–2,3 düym) arasındadır. Orta hesabla, qayıqquyruq qrakl yaxın qohumu olan böyükquyruq qrakldan təxminən 10% daha ağırdır, baxmayaraq ki, böyükquyruq qraklın erkəkləri daha uzun quyruğa malikdir. Cavan erkəklər qara rəngdədir, lakin yetkinlərin parlaqlığı yoxdur. Cavan dişilər yetkin dişilərin daha solğun versiyalarıdır və sinələrində ləkələr və ya nöqtələr var. Qayıqquyruq qraklın göz rəngi yayılma arealına görə dəyişir. Meksika körfəzi və daxili ərazilərdəki quşların gözləri tünd rəngdədir, Atlantik sahilindəki quşların isə açıq rəngli gözləri var. Taksonomiya Qayıqquyruq qrakl ilk dəfə fransız təbiətşünası Lui Pyer Vyeyo tərəfindən 1819-cu ildə təsvir edilmişdir. Onun xüsusi epiteti olan "major" latıncada "daha böyük" deməkdir. Məhdud yayılma arealına baxmayaraq, qayıqquyruq qraklın dörd yarımnövü var, ölçü və göz rənginə görə fərqlənir. Qayıqquyruq qrakl bir zamanlar böyükquyruq qrakl ilə eyni növ kimi qəbul edilirdi. Böyükquyruq növ ümumiyyətlə bədən ölçüsünə görə bir qədər kiçikdir, lakin daha uzun quyruğa malikdir və bu növün fərqli günbəzşəkilli baş forması yoxdur. Adi qrakl, qayıqquyruq növü ilə tez-tez Atlantik sahilində üst-üstə düşür, nəzərəçarpacaq dərəcədə kiçik və qısa quyruqludur, həmçinin günbəzşəkilli baş forması yoxdur. Qidalanma Onlar yerdə, dayaz sularda və ya kollarda yemək axtarır, digər quşlardan qida oğurlayırlar. Onlar hər şey yeyirlər, həşəratlar, kiçik balıqlar, qurbağalar, yumurtalar, giləmeyvələr, toxumlar, taxıl və hətta kiçik quşların qidasına daxildir. Səs Onun mahnısı kobud bir "jeeb" səsidir və adi qrakl kimi müxtəlif cırıltı və cığırıltı səsləri çıxarır.
https://www.allaboutbirds.org/guide/Boat-tailed_Grackle/id
https://ebird.org/species/botgra
https://www.allaboutbirds.org/guide/Boat-tailed_Grackle/overview
https://en.wikipedia.org/wiki/Boat-tailed_grackle
https://www.audubon.org/field-guide/bird/boat-tailed-grackle
https://txtbba.tamu.edu/species-accounts/boat-tailed-grackle/
https://xeno-canto.org/species/quiscalus-major
https://www.birdsgeorgia.org/news-feed/species-profile-the-boat-tailed-grackle
https://www.birdforum.net/threads/great-tailed-or-boat-tailed-grackle-nolton-haven-pembrokeshire-wales.447188/
https://www.oiseaux-birds.com/card-boat-tailed-grackle.html
Tarix : 15 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
