Qaraqulaq meşə bildirçini (Odontophorus melanotis) - "Galliformes" dəstəsinə aid quş növü. Yaxın zamana qədər bu növün "Phasianidae" fəsiləsinə aid olduğu düşünülürdü, lakin araşdırmalar yalnız uzaq qohumluq əlaqəsinə malik olduğunu sübut etdi. Nəticə etibarilə, qaraqulaq meşə bildirçini "Odontophoridae" fəsiləsinə və daha dəqiq desək, "Odontophorus" cinsinə aid edilmişdir. Bu növ haqqında məlumatlar məhduddur, lakin qaraqulaq meşə bildirçini meşəyə uyğunlaşmış, monoqam, nisbətən iri, qırqovula bənzər quşlar olaraq təsvir edilir. Onlar Mərkəzi Amerikanın tropik və subtropik meşələrində yaşayır. Həşərat və meyvə ilə qidalanırlar və tək-tək və ya kiçik qruplarla rast gəlinir. Təsvir Qaraqulaq meşə bildirçini (Odontophorus melanotis) Mərkəzi Amerikada tapılan bir quş növüdür. Bədəni tünd qəhvəyi və ya qara rəngdədir, döş nahiyəsi isə qırmızımtıldır. Bu quşun ən xarakterik xüsusiyyətləri arasında ləkəsiz şabalıdı rəngli baş və kəkili, qara üz və boğaz nahiyəsi vardır. Qara dimdiyi, mavi-qara ayaqları və göz ətrafında bənövşəyi rəngli çılpaq halqa var. Dişilər erkəklərə bənzəyir, lakin göz ətrafındakı halqa mavi-qara rəngdədir, başın yan tərəfləri daha tünd və şabalıdı rənglər daha solğundur. Qaraqulaq meşə bildirçini, "Rufous-fronted wood quail" (Odontophorus erythrops) ilə çox oxşar görünüşə malikdir, lakin "Rufous-fronted wood quail"in ağ boğaz zolağı var ki, bu xüsusiyyət qaraqulaq meşə bildirçinin də yoxdur. Taksonomiya Qaraqulaq meşə bildirçini "Odontophorus" taksonomik qrupuna aiddir. "Odontophoridae" fəsiləsi və "Odontophorinae" yarımfəsiləsi daxilində "Odontophorus" cinsi ən çox növ sayına və ən geniş coğrafi yayılıma malikdir. Bu cinsə aid növlər adətən iri, meşədə yaşayan quşlardır. Onlar az müşahidə edilmiş, az öyrənilmiş və bütün Amerika kolurdu quşları arasında ən az məlum olan qrupdur. Qaraqulaq meşə bildirçini tez-tez "Rufous-fronted wood quail"ın bir yarımnövü hesab edilmişdir, lakin bu fərziyyəni təsdiqləyən heç bir sübut yoxdur. Hazırda qaraqulaq meşə bildirçini üçün ən dəqiq nomenklatura "Odontophorus melanotis", "Rufous-fronted wood quail" üçün isə "Odontophorus erythrops" adlandırılır. Qaraqulaq meşə bildirçini iki yarımnövə ayrılır: -Odontophorus melanotis verecundus (Peters, 1929) – Hondurasın Karib yamacında yayılmışdır. -Odontophorus melanotis melanotis (Salvin, 1865) – Cənub-Şərqi Honduras, Nikaraqua, həmçinin Kosta Rika və Panamanın Karib sahillərində tapılır. Yaşayış yeri və yayılması Mövcud məlumatların az olmasına baxmayaraq, "Odontophorus" cinsinə aid olan növlər, o cümlədən qaraqulaq meşə bildirçini, meşəyə uyğunlaşmış quşlar hesab edilir və adətən tropik və aşağı subtropik meşə mühitlərində tapılır. Onlar əraziyə bağlıdır, yer səviyyəsində yaşayır və çox vaxt ilkin meşələrin zəminində və ya sıx ikinci nəsil bitkilik ərazilərdə rast gəlinir. Qaraqulaq meşə bildirçini Mərkəzi Amerikanın Karib yamacında, o cümlədən Honduras, Nikaraqua, Kosta Rika, həmçinin şərqi Panama və ehtimal ki, Kolumbiyanın şimal-qərbində yaşayır. Davranış Qaraqulaq meşə bildirçini yerli quş hesab edilir və miqrasiya etdiyi məlum deyil. Bu növün fərdləri tək-tək, cüt-cüt və ya 10-12 fərddən ibarət kiçik qruplar halında tapıla bilər. Bu qruplar "coveys" adlanır. Səslər Yeni Dünya meşə bildirçini arasında duet səsləri geniş yayılmışdır. Qaraqulaq meşə bildirçini öz qrupları arasında yumşaq, gurultulu və ya cığırdayan səslər çıxarır. Onların həmçinin təkrarlanan, zəngli bir duet şəklində reklam çağırışı var ki, bu səs tək bir quş tərəfindən ifa edilə bilər və uzaq məsafələrə çata bilər. Bu səs "kooLAWlik kooLAWlik kooLAWK kooLAWK" və ya "LAWcooKLAWcoo" kimi təsvir edilir. Qidalanma Qaraqulaq meşə bildirçini ilə bağlı xüsusi qidalanma strategiyaları haqqında çox az məlumat var. Lakin, digər Yeni Dünya meşə bildirçini kimi, onların da yarpaq töküntüləri arasında həşərat və tökülmüş meyvə axtardığı güman edilir. Çoxalma Qaraqulaq meşə bildirçini üçün çoxalma mövsümünün Panamanın quraq mövsümündə (dekabrdan aprelin ortalarına qədər) başladığı və quşların çox güman ki, monoqam olduğu ehtimal edilir. Yuvalar ağaclar arasında, yarpaq və otlarla örtülmüş şəkildə tapılmışdır. Yumurtalar 4 ədəd olmaqla krem və ya ağ rəngdə olub, qəhvəyi ləkələrə malikdir. Bu növün çoxalma və reproduktiv strategiyaları haqqında əlavə məlumat mövcud deyil. Qorunma statusu və təhlükələr Meşə bildirçini növlərinin çoxu üçün məlumatların az olması səbəbindən qorunma qiymətləndirmələri etibarsız məlumatlara əsaslanır. Meşələrin qırılması və ovlanma bu növ üçün əsas təhlükələrdir. Qaraqulaq meşə bildirçini populyasiyası azalır və ümumi populyasiya 50.000 quşdan az hesab edilir. Bununla belə, qaraqulaq meşə bildirçini qlobal təhlükə altında hesab edilmir və "IUCN" Qırmızı Siyahısında "təhlükəyə yaxın" statusuna malikdir. Lakin daha dəqiq qorunma nəticələri üçün genişmiqyaslı tədqiqatlar və araşdırmalar təqdim olunmalıdır.
https://en.wikipedia.org/wiki/Black-eared_wood_quail
https://ebird.org/species/bewqua1
https://birdsofcolombia.com/pages/black-eared-wood-quail
https://www.inaturalist.org/taxa/1372-Odontophorus-melanotis
https://birdsoftheworld.org/bow/species/bewqua1/cur/introduction
https://datazone.birdlife.org/species/factsheet/black-eared-wood-quail-odontophorus-melanotis
https://avibase.bsc-eoc.org/species.jsp?avibaseid=DE957D9D3C91175F
https://animalia.bio/black-eared-wood-quail
https://xeno-canto.org/species/Odontophorus-melanotis
https://dibird.com/species/black-eared-wood-quail/
Tarix : 11 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
