Qaraqarın krakra ( Pheugopedius fasciatoventris) - "Troglodytidae" ailəsinə aid bir quş növü. Kolumbiya, Kosta Rika və Panamada rast gəlinir. Taksonomiya və sistematika Qaraqarın krakranın üç yarımnövü var: "nominativ Pheugopedius fasciatoventris fasciatoventris", "P. f. melanogaster" və "P. f. albigularis". Təsvir Erkək qaraqarın krakralar 23,5-34,5 q , dişiləri isə 19,5-28,5 q ağırlığındadır. Hər üç yarımnövün yetkin fərdləri zəngin qəhvəyi rəngli arxa və quyruğa malikdir. Quyruğu qara zolaqlıdır. Onların boz üzünün üstündə müxtəlif ölçülü ağ rəngli qaşları var və çənə, boğaz və döşləri ağdır. Hər üçünün də qara qarınları var, lakin "P. f. melanogasterin" qarnı ləkəsizdir, digər iki yarımnövün qarnında isə nazik ağ zolaqlar var. Yayılma və yaşayış yeri "P. f. melanogaster" ən şimal yarımnövüdür. Kosta Rikanın qərbindəki Nicoya körfəzindən qərb Panamaya, Kanal zonasına qədər rast gəlinir. "P. f. albigularis" Kanal zonasından Kolumbiyanın Choco departamentinə qədər rast gəlinir. "Nominativ P. f. fasciatoventris" şimal-qərbi və mərkəzi Kolumbiyada, şərqdə Sierra Nevada de Santa Marta dağlarının ətəklərinə qədər və cənubda Cauca və Magdalena vadilərinə qədər rast gəlinir. Bu növ, birinci və ikinci dərəcəli meşələrin içində və kənarlarında yaşayır və tez-tez axınlarla əlaqələndirilir. Qidalanma Qaraqarın krakra əsasən meşənin içində və kənarlarında həm yuxarı, həm də aşağı yarpaq örtüyündə yemlənir. Bəzən alt meşədə və yerdə də yemlənir, lakin həmişə sıx örtükdə olur. Kiçik buğumayaqlılarla qidalanır, lakin təfərrüatlar azdır. Yuvalama Qaraqarın krakra əsasən meşə kənarlarında, adətən yerə yaxın, sarmaşıq dolaşıqlarında yuva qurur. Yuvalar yan girişli, günbəzli olur və hər iki cins tərəfindən palma və qamış yarpaqları zolaqlarından tikilir və daha yumşaq bitki materialı ilə örtülür. Yumurtaları yalnız dişi inkubasiya edir. Bu növün yuvaları güclü şəkildə yırtıcılar tərəfindən ovlanır. Səs Hər iki cinsin böyük mahnı repertuarları var. Bir erkək fərd 38 fərqli mahnı ilə, bir dişi fərd isə 19 mahnı ilə qeydə alınıb. "Xeno-canto" və "Cornel"in "Macaulay Kitabxanasında" çoxsaylı nümunələr mövcuddur. Status "IUCN" qaraqarın krakranı "Ən az narahatlıq doğurn" kimi qiymətləndirmişdir. Lakin, onun populyasiyasının davamlı yaşayış yeri məhv edilməsi və parçalanması səbəbindən azalmaqda olduğundan şübhələnilir.
https://ebird.org/species/blbwre1
https://en.wikipedia.org/wiki/Black-bellied_wren
https://www.inaturalist.org/taxa/144857-Pheugopedius-fasciatoventris
https://datazone.birdlife.org/species/factsheet/black-bellied-wren-pheugopedius-fasciatoventris
https://xeno-canto.org/species/Pheugopedius-fasciatoventris
https://birdsoftheworld.org/bow/species/blbwre1/cur/introduction
https://avibase.bsc-eoc.org/species.jsp?avibaseid=9335AB39E8420633
https://www.oiseaux.net/birds/black-bellied.wren.html
https://dibird.com/species/black-bellied-wren/
https://www.birdguides.com/species-guide/ioc/pheugopedius-fasciatoventris/
Tarix : 10 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
