Qaradöş meşə bildirçini (lat. Odontophorus leucolaemus) — "Odontophoridae" fəsiləsinə aid quş növü. Kosta-Rika və Panamada rast gəlinir. Təbii yaşayış yeri subtropik və ya tropik rütubətli dağ meşələridir. Taksonomiya Qaradöş meşə bildirçini "Odontophorus" cinsinə daxil olan 15 növdən biridir. Bu cins daxilində "qaranlıq meşə bildirçini" növ kompleksinə aiddir və bəzən Venesuela meşə bildirçini, qırmızıdöş meşə bildirçini, Takarkuna meşə bildirçini və qaraalın meşə bildirçini ilə eyni növ kimi qəbul edilir. Cins adı olan "Odontophorus", yunan dilində "diş daşıyan" mənasını verən "odontophoros" sözündən gəlir. Növün elmi adı olan leucolaemus isə yunan dilində "ağ" mənasını verən leukos və "boğaz" mənasını verən "laimos" sözlərindən ibarətdir. Növün alternativ adları arasında "ağboğaz meşə bildirçini" də var. Növ monotipikdir. Kosta-Rikanın Dota ərazisindəki populyasiyalar bəzən "O. l. smithianus" yarımnövü kimi ayrılsa da, ümumiyyətlə melanistik morf kimi qəbul edilir. Təsvir Qaradöş meşə bildirçini orta ölçülü "Yeni Dünya" bildirçin növüdür, uzunluğu 22–25.5 sm, dişilərin orta çəkisi 286 qram, erkəklərin isə 300 qramdır. Erkəklər dişilərdən daha böyük olsa da, cinsi dimorfizm yoxdur və görünüşlə fərqləndirmək mümkün deyil. Yayılması və yaşayış yeri Qaradöş meşə bildirçini Kosta-Rika və Panamada rast gəlinir. Lakin 1933-cü ildən bəri Panamada qeydə alınmayıb və burada nəsli kəsilib. Davranış və ekologiya Digər "Odontophorus" növləri kimi, qaradöş meşə bildirçini il boyu qruplaşaraq yaşayır və adətən 10–15 fərddən ibarət qruplarla meşəli yamacların alt bitkilərində hərəkət edir. Gün boyu kiçik ərazilərdə birlikdə qidalanır və axşam qaranlığında aşağı budaqlarda toplaşaraq dinlənirlər. Həmçinin qrup ərazilərini qonşu qruplarla səsləşərək qoruyurlar, ən çox səhər tezdən səslənirlər və ərazilərinin sərhədlərində aqressiv davranışlar nümayiş etdirirlər. Cinsin digər növlərindən fərqli olaraq, axşam qaranlığında səslənmirlər. Növ utancaqdır və yaxınlaşdıqda alt bitkilər arasında uzaqlaşır, yalnız məcbur qaldıqda uçur. Qidası haqqında az məlumat var. Lakin bitki maddələri ilə qidalandığı və həşəratlarla rəqib etdiyi güman edilir. Qaradöş meşə bildirçininin çoxalma adətləri haqqında məlumat azdır, lakin növün çox güman ki, monoqam olduğu düşünülür. Kooperativ çoxalma da qeydə alınıb. Yuva qurma yağış mövsümünün başlanğıcında, may-iyun aylarında baş verir, lakin səslənmə fəaliyyəti ən çox mart-aprel aylarında intensiv olur. Yuva yarpaq töküntüləri arasında yerləşir, girişi bir qədər aşağıya doğru yönəldilir və yetkin fərdlər tərəfindən qorunur. Yumurta sayı 4–6 olur, ağ rəngdədir və zamanla qəhvəyi rəng alır. İnkubasiya müddəti 16–17 gündür.

İstinadlar

https://ebird.org/species/bbwqua1

https://en.wikipedia.org/wiki/Black-breasted_wood_quail

https://birdsoftheworld.org/bow/species/bbwqua1/cur/introduction

https://www.inaturalist.org/taxa/1371-Odontophorus-leucolaemus

https://datazone.birdlife.org/species/factsheet/black-breasted-wood-quail-odontophorus-leucolaemus

https://xeno-canto.org/species/Odontophorus-leucolaemus

https://animalia.bio/black-breasted-wood-quail

https://www.oiseaux.net/birds/black-breasted.wood.quail.html

https://dibird.com/species/black-breasted-wood-quail/

https://observation.org/species/70439/

Tarix : 10 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.