Qaradimdik barbet (lat. Lybius guifsobalito) — "Lybiidae" fəsiləsinə aid quş növü. Yayılması Bu növ Afrotropik regionda geniş yayılıb. Kamerun, Konqo Demokratik Respublikasının şimal-şərqi, Eritreya, Sudanın şərqindən Efiopiyanın qərbinə qədər, həmçinin Keniyanın qərbi, Tanzaniyanın şimalı və Uqandada rast gəlinir. Yaşayış yeri Qaradimdik barbet dəniz səviyyəsindən 900–2,200 metr yüksəklikdə, açıq meşələrdə, meşə kənarlarında, meşəlik bitkiləri olan sahələrdə, savannalarda, kolluqlarda, bağlarda və meyvəli ağaclar olan əkin sahələrində yaşayır. Təsviri Qaradimdik darbet erkəklərdə qanad açıqlığı 7.9–9.4 sm, quyruq uzunluğu isə 4.5–5.4 sm arasındadır. Dimdiyin uzunluğu 1.9–2.2 sm-dir. Dişilərdə də bənzər ölçülər müşahidə olunur, cinsi dimorfizm aydın deyil. Bu orta ölçülü barbetlər parlaq mavi-qara rəngdədir, qanadlar və qarın hissəsi bir qədər daha qəhvəyidir. Üzləri, boğazları və üst döş nahiyəsi parlaq qırmızı və ya qırmızı-narıncı rəngdədir. Qanadlarının üst hissəsi dar sarı və ya ağ xətlidir. Dimdiyi güclü və qara, üzün tüksüz dərisi boz, gözləri qırmızı-qəhvəyidir. Ayaqları və pəncələri qara-boz rəngdədir. Cavan quşların lələkləri yetkinlərdən daha solğundur. Bu növ "Lybius torquatus" və "Lybius rubrifacies" ilə yaxından qohumdur. Bioloji xüsusiyyətləri Qaradimdik darbet uyğunlaşma qabiliyyəti yüksək olan bir növdür. Bu quşların əsas qidası əncir, qvava, papaya və müxtəlif giləmeyvələrdən ibarətdir. Həmçinin böcəklər, qarışqalar və termitlərlə də qidalanırlar. Adətən cütlük və ya kiçik qruplar halında, ən çox yeddi fərddən ibarət olaraq yaşayırlar. Səsləri alçaq tonda mırıltı və iki hecalı "koop-pup" ifadələrindən ibarətdir.
https://ebird.org/species/blbbar3
https://en.wikipedia.org/wiki/Black-billed_barbet
https://xeno-canto.org/species/Lybius-guifsobalito
https://www.inaturalist.org/taxa/116945-Lybius-guifsobalito
https://datazone.birdlife.org/species/factsheet/black-breasted-barbet-pogonornis-rolleti
https://www.oiseaux.net/birds/black-billed.barbet.html
https://www.holmen-birding-safari.com/bird-pictures/african-birds/barbets-tinkerbirds/black-billed-barbet/
https://app.birda.org/species-guide/11444/Black-billed_Barbet
https://birdsoftheworld.org/bow/species/blbbar3/cur/introduction
https://dibird.com/species/black-billed-barbet/
Tarix : 10 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
