Qaraboğaz (Calliope obscura) - Həmçinin qaraboğaz qızılquş və ya qaraboğaz mavi qızılquş kimi tanınan quş nöövü. Ümumi məlumat "Muscicapidae" fəsiləsinə aid bir quş növüdür. Şimal-mərkəzi Çində çoxalır, lakin qışlama yerləri müəyyən deyil. Şimal-qərbi Taylandda səyahətçi kimi qeydə alınmışdır. Təbii yaşayış mühiti 3000–3400 metr yüksəklikdə iynəyarpaqlı meşələr daxilindəki bambuk kolluqlarıdır. Yaşayış mühitinin itməsi təhlükəsi ilə üzləşir. Bu növ 1891-ci ildə kəşf edilmişdir, lakin növbəti 120 il ərzində yalnız bir neçə fərd görülmüş və bu günə qədər heç bir dişi fərd dəqiq şəkildə müəyyən edilməmişdir. Onun haqqında o qədər az məlumat var idi ki, "Asiyanın ən sirli qızılquşu" adını qazanmışdı. Çoxalma 2011-ci ilin iyununda alimlər qrupu onun çoxalma yerlərini Şimali Mərkəzi Çinin Şaanxi əyalətindəki Qinlinq dağlarında kəşf etdi. "Foping" və "Changqing Təbiət Qoruqları"nda yeddi oxuyan erkək fərd görüldü – bu, əvvəllər görülənlərin ümumi sayına demək olar ki, bərabər idi. 2014-cü ildə bir dişi fərd və çoxalma cütlüyü müşahidə edildi. Taksonomiya Qaraboğazın ilk rəsmi təsviri 1891-ci ildə rus ornitoloqları Valentin Bianki və Mixail Berezovski tərəfindən verilmiş və onlar "Larvivora obscura" binomial adını təqdim etmişdilər. Növ daha sonra "Luscinia" cinsinə daxil edilsə də, 2010-cu ildə nəşr edilən molekulyar filogenetik tədqiqat göstərdi ki, "Luscinia" monofiletik deyil və cins bölünərək, qaraboğaz da daxil olmaqla, bir neçə növ bərpa edilmiş "Calliope" cinsinə köçürüldü.
https://en.wikipedia.org/wiki/Blackthroat
https://ebird.org/species/btbrob1
https://datazone.birdlife.org/species/factsheet/blackthroat-calliope-obscura
https://animalia.bio/index.php/blackthroat
https://xeno-canto.org/species/Calliope-obscura
https://birdsoftheworld.org/bow/species/btbrob1/cur/introduction
https://birdingfrontiers.wordpress.com/2013/05/11/blackthroat/
https://uk.inaturalist.org/taxa/145063-Calliope-obscura
https://birdsoftheworld.org/bow/species/btbrob1/cur/multimedia?lang=es
https://dibird.com/species/blackthroat/
Tarix : 13 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
