Qara üzlü qınquyruq (Chionis minor)-Həmçinin kiçik qınquyruq və ya "paddy quşu" kimi tanınan, qınquyruqların yalnız iki növündən biri. Bu qeyri-adi sahil quşları subantarktik adalarda, quru ərazilərdə leş yeyən quşlardır. Təsvir Qara üzlü qınquyruq kök, qısa boyunlu, göyərçinə bənzər quşdur. Ağ lələkləri, qara dimdiyi, dəri çıxıntıları və üz dərisi var. Bu növün uzunluğu 38-41 sm (15-16 düym), qanad açıqlığı 74-79 sm və çəkisi 460-730 qram (1.01-1.61 funt) arasında dəyişir. Erkəklər dişilərdən bir qədər iridir. Yayılması Yaşadığı ərazi Cənubi Hind okeanındakı subantarktik adalarla məhdudlaşır. Cənubi Afrikanın Prins Eduard adaları, Fransanın Kroze adaları və Kergelen adaları, həmçinin Avstraliyanın Herd adası yaşadığı adalardır. "C. m. nasicornis" yarımnövü Herd adasına, "C. m. marionesis" yarımnövü isə Prins Eduard adalarına endemikdir. Yaşayış yeri Subantarktik adaların sahil xətti və mərcan qayalıqları, xüsusilə dəniz quşları və suiti koloniyaları ətrafında, həmçinin insan məskənləri yaxınlığında yaşayır. Qidalanma Qınquyruqlar opportunist ümumqidalandırıcı, yırtıcı və leş yeyən quşlardır. Sahil xəttindəki tullantılar, yosunlar və digər bitkilər, həmçinin onurğasızlar, balıqlar, dəniz quşlarının yumurtaları və balaları, suitilərin tullantıları, qanı, plasentaları, leş, nəcis, gəmiricilər və insan tullantıları ilə qidalanırlar. Səs Yüksək, kəskin və "staccato" səslər çıxarır. Çoxalma Dəniz quşları və suitilərin koloniyalarından toplanan bitki və tullantı qalıqları ilə dolu yarıqlarda, mağaralarda və qaya altlarında yuva qurur. Adətən 2-3 krem rəngli, qəhvəyi ləkəli və ya xallı yumurta qoyur. İnkubasiya müddəti təxminən 30 gündür. Balalar yarı-müstəqil olur. Yumurtadan çıxdıqdan təxminən 50 gün sonra uçmağa , 3-5 yaşında çoxalmağa başlayır. Qorunma statusu Zəhərli tullantılar və vəhşi pişiklər kimi yırtıcılar tərəfindənovlana bilir, lakin geniş və səpələnmiş yayılma sahəsi və əhəmiyyətli ümumi populyasiya azalmasının olmaması səbəbindən "az riskli" kimi qiymətləndirilir.

İstinadlar

https://ebird.org/species/blfshe1

https://en.wikipedia.org/wiki/Black-faced_sheathbill

https://datazone.birdlife.org/species/factsheet/black-faced-sheathbill-chionis-minor

https://www.inaturalist.org/taxa/4781-Chionis-minor

https://xeno-canto.org/species/Chionis-minor

https://www.oiseaux.net/birds/black-faced.sheathbill.html

https://animalia.bio/black-faced-sheathbill

https://dibird.com/species/black-faced-sheathbill/

https://avibase.bsc-eoc.org/species.jsp?avibaseid=7C15B681DD3E8B4C

https://www.researchgate.net/figure/Adult-Black-faced-Sheathbills-Top-C-m-minor-Bottom-C-m-crozerrensis-standing_fig1_289986295

Tarix : 11 fevral 2025

Əksi qeyd olunmayıbsa, bu məzmun CC BY-SA 4.0 çərçivəsində yayımlanır.