Qara üzlü kukal (Centropus melanops) - "Cuculidae" fəsiləsinə aid bir quş növü. Bu növ Filippinə endemikdir və Mindanao, Basilan, Dinagat adaları, Bohol, Leyte, Biliran və Samar adalarında tapılır. Bu, krem rəngli başı, qara maskası və quyruğu, şabalıdı rəngli qanadları ilə fərqlənən gözəl bir kukal növüdür. Təbii yaşayış yeri tropik rütubətli düzənlik meşələridir. Təsvir və taksonomiya "EBird" bu quşu belə təsvir edir: "Filippinlərin cənubunda düzənlik və aşağı dağlıq ərazilərdə meşəliklərdə yaşayan iri, uzunquyruq bir quş. Qara qarın və quyruq, şabalıdı qanadlar, yuxarı bel və döşdən başın üst hissəsinə qədər uzanan krem rəngi və başın arxa hissəsinə qədər uzanan üçbucaq şəklində qara maska ilə fərqlənir. Yaşadığı ərazidə oxşar növlər yoxdur. Gizli davranır və çox vaxt görünmədən səsi eşidilir. Dərin və sürətli 'vup-vup!' və ya tənbəl, yuxarıya doğru uzanan 'vuuuup!' səsi çıxarır." Yarımnövlər -C. m. mindanensis – Mindanao, Basilan və Dinagat adalarında tapılır. -C. m. banken – Bohol, Leyte, Biliran və Samar adalarında tapılır. Yarımnövlər zəif fərqlənir və bəlkə də tək növ kimi birləşdirilə bilər. Ekologiya və davranış Bu növün qidalanması və çoxalma vərdişləri haqqında çox az məlumat var. Həşəratlarla qidalandığı güman edilir. Sıx dolaşmış sarmaşıqlar və bambuk arasında qidalanır. Yuva haqqında təsvir yoxdur, lakin yumurtalarının tamamilə ağ olduğu ehtimal edilir. Yaşayış yeri və qorunma statusu Qaraüzlü kukal dəniz səviyyəsindən 1200 metr yüksəkliyə qədər olan tropik rütubətli düzənlik meşələrində, sıx alt meşəliklərdə yaşayır. Sıx meşəliklərdə və ağacların zirvələrində qidalanır. "IUCN" bu quşu "az riskli" kateqoriyasına daxil etmişdir, lakin populyasiya azalmaqdadır. Bu növ üçün əsas təhlükə meşə yaşayış yerlərinin kütləvi şəkildə təmizlənməsidir. Bu, meşələrin qırılması, kənd təsərrüfatına çevrilməsi və mədən fəaliyyətləri nəticəsində baş verir.
https://ebird.org/species/blfcou1
https://en.wikipedia.org/wiki/Black-faced_coucal
https://datazone.birdlife.org/species/factsheet/black-faced-coucal-centropus-melanops
https://xeno-canto.org/species/Centropus-melanops
https://www.inaturalist.org/taxa/1660-Centropus-melanops
https://birdsoftheworld.org/bow/species/blfcou1/cur/introduction
https://www.oiseaux.net/birds/black-faced.coucal.html
https://datazone.birdlife.org/species/factsheet/black-faced-coucal-centropus-melanops
https://animalia.bio/black-faced-coucal
https://dibird.com/species/black-faced-coucal/
Tarix : 11 fevral 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
